Plautdietsch-Freunde e. V.

Oole Russe oppe Betj en eenem Park en Omsk (Foto bowe), em Hoafst 2006, aus wie mette Plautdietsch-Frind doa to Gaust were... Uck hia en Dietschlaunt es nu wada Hoafst en dee Bleda faule en fule langsam, oba schmock

Waut doone dee Plautdietsch-Frind en dise Doag???

2. Sinowent em Moonat -- aum 11. Oktooba 2008 em Plautdietsch-Kentooa en Detmold, ditmol mett Videos en Infos vom nieen Projatjt Moving Memory, een plautdietschet Oral-History-Video-Projekt!...

Plautdietscha Nomeddach -- aum 25. Oktooba 2008 en Kruft mett Tina Wedel en Frind. Leeda, Jedichta, Sketche, Ete, Drintje -- aules opp Plautdietsch!...

Studienreis no Belize -- em Feebua 2009. Meea Infos jefft daut uck bie ons em Kentooa. Eenfach mol aunroope, maile, ooda selwst vebiekome!

.
Dit es butajeweenlich en waut gaunz Besondret: Aum 8. Moaz 2008 send Rudy Wiebe en Miriam Toews bie ons to Gaust! Teewsche en Wieb, beid tale to dee baste Schriewasch manke Literaute en Kanada. En beid habe ewa "eare" plautdietsche Tjintheit en Kanada jeschrewe!...

Meea Infos kome noch!

Vom 8. bettem 10. Feebua trafe sich en Oerlinghausen (NRW, D) Mensche, woone opp Plautdietsch schriewe (welle) to eenem
Literatua-Seminoa. Agnes Goosse (Jiesbrajcht, Literaturkreis der Deutschen aus Russland) en Hendritj Siemens (Plautdietsch-Freunde) habe daut organiset en leide uck dee Referate en Diskussioone.

Aum Sinowent oppenowent (9.2.08, Klock 19.00) jefft daut eenen opnen Owent mett Jedichta, Jeschichte en Leeda opp Plautdietsch -- aula Entressede send enjelodt! Daut Schriewa-Seminoa es enne Heimvolkshochschule (HVHS) St.-Hedwigs-Haus, Hermannstr. 86, dicht bie Bielefeld. Auf daut Motto "Plaut schriewe, oba nich too plaut..." uck omjesat woat? Well hope! En hangone en selwst seene!!

Daut Bilt hia bowe es ut tweebak.blogspot.com

Dit es nie - en goot! Tatjana Klassner haft ea haulwet Lewe lang jesaumelt en jesaumelt en oppjeschrewe en oppjeschrewe: Aules waut dee plautdietsche Mensche en Russlaunt, Dietschlaunt en sonstwoo saje, wan se waut oppen Punkt brinje welle. Ooda, wan dee Menniste waut saje welle (ooda sinje!) mett soone Wed, woone aul emma en aulem bekaunt send - Sprichwed.

Ditjoa haft Heinrich Siemens sich dee Oabeit jemoakt en aules schmock derchjeseene, ewaoabeidt en aus Bok toopjestalt. Rutjekome es een wundaboaret en 267 Sied grootet Lexikon der plautdietschen Sprichwörter, Gedichte, Rätsel und Lieder.

Dit niee Bok kost bloos 15 Euro en kaun bie dee Plautdietsch-Frind en Detmold bestalt woare. Einfach aunroope ooda emaile!

Plautdietsch-Freunde e.V.
Moritz-Rülf-Str. 5
D-32756 Detmold

Tel. 05231 - 3089818
...nich von Dietschlaunt: +49 - 5231 - 3089818
Fax 05231 - 3089819
eMail info@plautdietsch-freunde.de

Kentooa-Tiede: Di, Do: 8-12 Uhr