Plautdietsch-Freunde e. V.

Sinowent, aum 24. Septamba 2011, es en Detmold dee 12. Joaresdoaginj vonne Plautdietsch-Frind: Soo aus jieda Joa trafe sich wada dee Mttjlieda to eare "Sobranije" - uck entressede Nich-Mettjlieda send doatoo enjelodt! Lota Nomeddach jefft daut dan "Doklady", en ditmol wada uck von Rogier Nieuweboer, ons hollendscha Plautdietsch-Experte ut Finlaunt.

Nobre, Koffe-Drintje, Grillen, plautdietsche CDs en Betja tjeepe - dit aules woat meajlich senne. Daut Teema es Plautdietsch en dee Europeischa Sproakedach - doatoo jefft daut dan uck eene Podiumsdiskussioon, woo mank aundre uck Lied vom Bundesrot fe Nadadietsch (BfN) en vom Bund f?r Heimat und Umwelt (BHU) doabie send. Tweschenderch woat Katharina Niefels eene Führung derch daut niee Museum aunbeede. En wea dan lota noch eenen bunten Owent mett Leeda en Jedichta well - davai, Peeta Brun es uck wada doabie! Hia es daut Prograum:

Klock 13.00 - 14.00 Mettjlieda-Vesaumlinj
Dee Mettjlieda habe dee Enlodinj mette Post jetjreaje

Koffe-Paus / Betjadesch / ...

Klock 15.00 - 17.30 Referente en Diskussioon
Mett Dr. Rogier Nieuweboer, Dr. G?z Kaufmann, Dr. Reinhard Goltz en aundre (Moderatioon: Hendritj Siemens)

Owentkost / Grillen / Museum / Betja en CDs / ...

Klock 19.00 - 20.30 Leeda, Jedichta, Kabarett
Mett Aleksej Davydof, Tatjana Klassner, Mietj Niefelt, Peeta Brun, en Andreas Ditj (Moderatioon: Peeta Wiens)

Jie send aula von Hoate enjelodt! Dee Adras es: Georgstra?�e 24, 32756 Detmold, doa woo dee School en daut Museum es. Hia send meea Infos, opp Hochdietsch:

12. Jahrestagung der Plautdietsch-Freunde: Programm und Einladung

Plautdietscha Schiela en Blue Creek, Belize 2009

En Dietschlaunt es emma noch Somma, uck wan tweschenderch nich bloos dee Sonn schient en uck daut Wota rauf tjemmt aus ut Amasch!

Hia send onse Termine fe Septamba en Oktooba 2011:

9.-11. Septamba

Schriewa-Seminoa fe plautdietsche Schriewasch, soo aus emma organiset von Agnes Goossen, en soo aus emma en Oerlinghausen. Wea deelnehme well, maldt sich bie Agnes: Tel. (oppenowent:) 0228 96499232 ooda 0171 1722756 ooda Email agnes.gossen@gmx.de

24. Septamba

Klock 13 Nomeddach es onse Mettjlieda-Vesaumlinj en Doaginj en Detmold, enne Georgstraße 24, dit Joa em nieen Forum.

Hia es daut Prograum vonne Doaginj - Dr. Göz Kaufmann (Uni Freiburg) en Dr. Rogier Nieuweboer (Uni Helsinki) woare mett Veadroage doabie senne, en uck dee Bundesrot fe Nadadietsch traft sich ditmol en Detmold en diskutet mett ons ewa Sproakpolititj. Uck Musitj en Spos woare nich fehle...

29. Oktooba

Klock 14 Nomeddach moakt Tina Wedel en Kruft (aune Autobahn A61) wada eenen Plautdietschen Nomeddach mett vel plautdietsche Jedichta, Leeda, Teauta, plautdietsche Tjleeda, Tweebak, en noch velet meea.

Lost opp een plautdietschet Prograum mett Literatua en aundret!? Dan komt aum 21. Mei 2011 no 32257 Bünde - von Klock 14.00 bett 17.30 em Stadtgarten (Steinmeisterstr. 13).

Bekaunde Plautdietsche soo's Tatjana Klassner, Tina Wedel, Hendritj Siemens, Viktor Sewautstje en vele aundre woare doabie senne en veschiedne Sache veadroage. Ella Deppe en aundre woare sinje. Dimitrij Niefelt (uck Dima ooda Mitj jenant) organiset disen Dach toop mett siene Fru Irina - en Kooperatioon mett Plautdietsch-Freunde e.V. Aula Entressede send von Hoate enjelodt. Meea Infos hia bie ons em Kentooa ooda bie dee Niefelts unja Tel. 05223-74838. Dee Enntrett es 10 dietsche Rubel.

(Wea nu em Moaz bie Tatjana Klassner oppem Anna-German-Festival we, dee weet, woo scheen daut gone kaun...)

Einladung/Info plus Programm (auf Deutsch): siehe PDF-Datei

Aum 25. Septamba 2010 (Sinowent) es en Detmold enne AHF-School (Aula), Georgstr. 24, dee alwde en ditjoasche Plautdietsch-Doaginj. Daut Teema es "Identitet en Integratioon vonne Plautdietsche". Von Klock 2 Nomeddach (14.00) bett oppenowent jefft daut Veadroag, Diskussioon, Musitj en soo's jeweenlich uck eenen Betja-Desch en eene Cafeteria. Aula Entressede, Plautdietsche en Nich-Plautdietsche, send von Hoate enjelodt!

Hia es daut Prograum:

14.00 - 15.00 Mettjlieda-Joaresvesaumlinj vom Vereen Plautdietsch-Freunde e.V., dee Ennlodinje mette DOPs habe dee Mettjlieda aul jetreaje.

Koffe-Paus / Betja-Desch

16.00 - 16.15 Offiziella Aunfang / Grusswed

16.15 - 17.00 Nelli Nachtigal: Identität der Plautdietschen in Russland und in Deutschland

17.00 - 17.45 Dr. Peter Rosenberg: "Die sprechen ja nicht mal richtig Deutsch!" Zur Integration der Russlanddeutschen in Deutschland

17.45 - 18.00 Diskussioon

Koffe-Paus / Owentkost / Betja-Desch

19.30 - 21.00 Konzert mett Andreas Dück en Frind: Oole en niee plautdietsche Leeda

* * *

Koste: 5 Euro (fe dem gaunzen Dach), Aunmalde nich needich. Fe noch 5 Euro jefft daut von klock 18.00 eenen grooten "Grillteller"!