FRIND 32 – Menniste em Dredden Ritj

Dee niee Utgow von Plautdietsch Frind tjemmt kort ver Wiehnachte rut. Daut Haupttheema heet: „Dietsche Menniste em Dredden Ritj“. Uck vel aundre Berechte en Jeschichte enthelt dee Tiedschreft.

Nuscht Goodet to vetalle

Mehrere Berechte beschaftje sich mett dee Doaginj vom Mennonitischen Geschichtsverein enn Münster. Wetenschaftla, Vereensmettjlieda en Interessiede kaume doa toop, omm doarewa to rede, woo sich dee Mennonite enn Dietschlaunt enne Nazitied vehoole hawe. Soovel kaun etj em Verut saje: Daut jefft nuscht Goodet to vetalle. Tjeen Mennist haft sich jeejen Hitla jewandt, em Jejendeel: Aula were see bejeistat vonne Diktatua. Oba goot, daut endlich mol doarewa jeredt wordt. Scheen, daut sich dee uck aul oole Sehns to Vefügung stallde en ewa dee Hangow von eare Ellere nohm Dredden Ritj rede.

Daut Titelbild vonne Tiedschreft (nich von dissem Artitjel) wiest eene Schatulle von eenem „Sehn“, dee een Ewabliefsel enthelt ut janne Tied: een Muttatjrietz mett Hoaketjrietz. Daut well etj aun disse Sted nich aufbilde, daut man nich opp faulsche Jedanke tjemmt.

Vel interessaunte Biedrej

Jiedenfauls jefft daut noch viel aundre Artitjel: ewa rusche Filmmoakasch, dee eenen interessaunten Dokumentarfilm ewa mexikaunsche Menniste jedreit hawe, ewa een 102-Joahsche, dee sich noch aum Terror von Nestor Machno erinnere kaun en uck Berechte ewa eene seeha interessaunte Plautdietsch-Doaginj enn Detmold. Veajestallt woad een Bok ewa dee Architektur vonne Menniste enne Ukraine.

FRIND-Mettjlieda tjrieje een Heft ommsonst tojeschetjt. Aule aundre motte sich daut selfst bestalle: Plautdietsch Frind, Plautdietsch-Freunde e.V., Georgstraße 24, 32756 Detmold, Tel: +49 (5231) 921662, info@plautdietsch-freunde.de. Een Exemplar kost: 10,- Euro.

Ennhault

Nuscht goodet to vetalle oda Goot es, daut vetallt woat
Doaginj vom mennischen Jeschichtsverein diskutied ewa „Mennoniten en Dreddet Ritj“
Junge Weetenschaftla preaje dee Doaginj

„Meeha Froage aus Auntwode“
Waut dee Deelnehmasch ewa dee Doaginj sede

Liedensjeschicht en Nazipropaganda
Dee Historika Ben Goossen ewa daut mennische Voltjstum

Hollenda ewajefft Forschungssted
historischen Menno-Pauss

Rut ut dem Dratj ohne Placke?
Autobiografie von Jakob Redekopp

Wann een Eestaritja Plautdietsch redt
Aules rund omm daut Schriewa-Seminoa

Utlendsche Jast bie dee Plautdietsch Frind

Jesundheit
Em schlemmsten Faul stoawlich
Rot: Jiedra sull sich impfe lote

Magie tweschen Mensche
Autor Heinrich Rahn beschrifft Schetjsole enn Russlaunt

„Jie lure opp june? Dee sent aula doot!“
Tina Becker (102) vetallt ewa ea Lewe enne Machno-Tiet

Miene Piljareis
Mett dem Foahrraut noh Witmarsum

Schwoat-wittet Licht
Rusche Studente dreihe Film ewa Menniste enn Mexiko

Dee Tjast
Tatjana Klassner haft Material je­saum­melt, woo sich Plautdietsche befriee

Paussent tom Winta
Ikra-Jemiese-Jerecht

Wooromm daut Meawota soltich ess
Merchen ut Dietschlaunt  Noch ne Jeschicht Dee Schnee ut Dietschlaunt

Mennische Architekte kunne uck „schmock”
Bok ewa mennische Buwoatje enne Ukraine

Aundacht
Wan Schuld daut Lewe vejefft

Maldunge
+Utstallinj ewa Krefelda Menniste
+Verlags­agentur jefft men­nische Li­tera­tur rut
+ Frind wehlde nieen Veastaund
+ Bok ewa mennonitische Weltkonferenz 2009
+ Koakbok mett Jeschichte

+ Oppe Spure vonne Deepasch

Lauftje