Ditjoa es dee oole mennische Muttakolonie "Molosch" (Molotschna) enne Ukraine 200 Joa oolt jeworde. Doa we em Farjoa eene groote Konferenz, nu em Hoafst een grootet Dankfast, en vele Menniste ute gaunze Welt send doa jewese.

Enne Tietschreft "Plautdietsch FRIND" Nr. 13 (rajsch oppem Bilt) es een Konferenz-Berecht von Dr. Paul Teews en Waulta Unga, utem Enjlischen ewasat von Dr. Jack Thiesse. En disem Heft send uck aundre Berechte (Plautdietsch-Doaginj en Detmold, Dürrenmatt-Owent mett plautdietsche / russlauntdietsche Artiste, ...), eene Rudy Wiebe Rezensjoon, een plautdietscha Oppsautz ewa "Dietsche Bumeista en St. Peetaschburch", Rezapta von Viktor Jaunze (t.B. "Kolde Arbuse-Supp") en noch vel meea...

Dee Tietschreft "Plautdietsch FRIND" tjemmt veeamol em Joa, aul seit Somma 2001. Wan Jie daut noch nich tjane, schetj wie Junt jern een kostenlooset Proowstetj -- eenfach aunroope ooda eene Email schetje.