Aum 9. Aprell 2005 we en Everswinkel (tweschen Münster en Warendorf) nu aul daut tweede groote Musitj- en Leedafast! Meist 700 Mensche kunne jeneete, waut Plautdietsche Senja ut gaunz Dietschlaunt presentede. Tatjana Klassner en eare Grupp Gendach (vom Verein Labyrinth e.V., Warendorf) haude aules wundaboa organiset en (soo aus 2003) disen Anna-German-Dach to waut Besondret jemoakt. Daut neachste plautdietsche Anna-German-Festival es dan aune 2007. Bilda en meea Infos ewa dit Fast tjen Jie uck enne Farjoa-Utgow vonne Tietschreft Plautdietsch FRIND seene en lese. (Anna German we enne Sowjetunjoon eene seea bekaunde en jeleewde Senjasche. See sung opp Rusch en opp Polnisch, oba es sonst ne plautdietsche Moates-Dochta. Leida es see jung jestorwe...)