Aum 2. Aprell 2009 (Donnadach) es entlich dee Kinostart en Dietschlaunt fe dem plautdietschen Film Stellet Licht. Dit send dee Termine:

Berlin fsk-Kino ab 2.4.09
Berlin Hackesche Höfe ab 2.4.09
Hamburg 3001 2.4.-22.4.09
Nürnberg Filmhaus 27.4.-13.5.09
München Werkstatt-Kino 14.5.-27.5.09
Frankfurt Mal Sehn Kino 21.5.-3.6.09
Saarbrücken Filmhaus 4.6.-17.6.09

Dee Spelfilm Stellet Licht von Carlos Reygadas (Mexiko) haud aune 2007 en Cannes (Frankreich) Premiere en haft international vele Priese jewonne. Stellet Licht es dee eschta Kinofilm opp Plautdietsch en word/woat oppe gaunze Welt jewese. Dee Jeschicht, woone en disem Film vetalt woat, es nicht eenem jiedrem Mennist siene baste Jeschicht...

Dee Plautdietsch-Studienreis no Belize we eene wundaboare Sach: Mett 40 Lied ut Dietschlaunt,Kanada en ute USA besocht dee Vereen Plautdietsch-Freunde e.V. dit karibische Launt en Zentraulamerika. Eene Weatj en Spanish Lookout, eene Weatj en Blue Creek, vele entressaunte Exkursioone -- dee Tiet jintj schwind vebie. Berechte en Bilda woat et noch vele jewe:

Waut, woo en waneea, daut es opp dee Blogsied Mien Belies to finje -- tom Biespell, daut sich aule Lied, woone doabie were en aule, woone sonst noch Entresse habe, aum 4. Aprell klock 4 nomeddach trafe en toop Koffe drintje en Bilde tjitje en nobre...

Eene goode Idee es emma: Mol seene, waut dee Plautdietsch-Frind doone... Vleicht janket mie daut mol doabie to senne!?

Nu em Feebua es eene Grupp von ewa 40 Lied to Gaust bie dee Menniste en Belize! Daut woat je dan vel to vetale jewe, wan se wada tridj send! En wan Jie jern wiet em Verut plone, dan moakt aul nu een grootet Tetjen biem 21. Novamba 2009 -- dan es dee ditjoasche Plautdietsch-Doaginj. Wada en Detmold em Hus vonne August-Hermann-Francke-School.

En wan Jie NU NOCH EN DISE MENUTE waut Entressauntet en Nieet en Plautdietschet habe welle, dan tjitjt doch eenfach mol en dit feine Video vonne Rampels en Tjetlasch nenn: