Nohfedme – mien Frindschauft setje

Twerm omm een Spoltje jewetjelt. Emm Twerm stetjt eene Notel.Nohfedme woat enn Nohdamerika daut „Mennonite Game“ jenannt. Wann emma Plautdietsche toopkome, fange see mett dissem Spell aun: See welle rutfinje, opp dee aundra mett ahn Frindschauft ess. Daut ess dee Titeljeschicht enne neachste Utgow von Plautdietsch Frind. Aufjedruckt woare Interviews mett Experte, dee sich mett dee mennische Aufstauminj uttjanne. Daut ess spaunend, to waut fere Ertjanntnis dee kome.

Dann jefft daut noch aundre interessaunte Theemasch: Woo buede onse Veafohre enne Ukraine? Doarewa schrifft Heinricht Heidebrecht, dee selfst Architekt en desweejens uck utjewesna Experte ess. Tatjana Klassner schrifft ewa daut „Belore“: Junges vesetje, derch’m Fensta to tjitje, wann aundre schmarre. Dr. Katharina Neufeld vom russlauntdietschen Museum schrift ewa daut mennische Ete. Katharina Fast vetallt eene Jeschicht von Peetatje en Leenatje. Heinrich Siemens nemmt den Romaun „Elisabeth“ von Peter P. Klassen unjare Lupe. Aulso wada eene spaunende Utgow. Wea nich Mettjlied bie dee Plautdietsch Frind es, kaun sich eene Utgow bie Anne Wiens bestalle: info@plautdietsch-freunde.de

Leave a Comment