Plautdietsch-Freunde e. V.

Lost opp een plautdietschet Prograum mett Literatua en aundret!? Dan komt aum 21. Mei 2011 no 32257 Bünde - von Klock 14.00 bett 17.30 em Stadtgarten (Steinmeisterstr. 13).

Bekaunde Plautdietsche soo's Tatjana Klassner, Tina Wedel, Hendritj Siemens, Viktor Sewautstje en vele aundre woare doabie senne en veschiedne Sache veadroage. Ella Deppe en aundre woare sinje. Dimitrij Niefelt (uck Dima ooda Mitj jenant) organiset disen Dach toop mett siene Fru Irina - en Kooperatioon mett Plautdietsch-Freunde e.V. Aula Entressede send von Hoate enjelodt. Meea Infos hia bie ons em Kentooa ooda bie dee Niefelts unja Tel. 05223-74838. Dee Enntrett es 10 dietsche Rubel.

(Wea nu em Moaz bie Tatjana Klassner oppem Anna-German-Festival we, dee weet, woo scheen daut gone kaun...)

Aum 2. Aprell, nu em Farjoa, es daut wada soo wiet! En nu aul tom 5. Mol! Daut plautdietsche Leeda- en Musitj-Fast es no dee groote en bekaunde Senjasche Anna German benant.

Dise begowde Fru, woone en eare junge Joare noch vel Plautdietsch jeredt haft, es mol aun eenem Valentinsdach jebore en no eene wundaboare en groote Jesangskarierre leida to tiedich jestorwe. Tatjana Klassner ut Warendorf haud aune 2003 dee goode Idee, mank eare plautdietsche Veaunstaltinje jieda 2. Joa uck een Anna-German-Festival to feire. Soo tjemmt daut dan nu aul tom feften Mol, daut see mett eare Grupp Gendach en mett dem russlauntdietschen Integratioonsvereen Labyrinth e.V. en topp mett Plautdietsch-Freunde e.V. dit Festival organisere en derchfehre deit - emma wada enne Festhalle von Everswinkel, tweschen Warendorf en Münster.

Uck ditjoa send wada aula Plautdietsche en aula aundre Entressede von Hoate ennjelodt, doabie to senne. Von Klock 2 bett Klock 6 Nomeddach jefft daut een wundaboaret musikaulischet Prograum, aules opp Plautdietsch, soogoa dee Tweebak en dee Betja en dee CDs en dee Bilda, woone enne Pause to habe send! Meea Informtioone bie Tatjana Klassner: Tel. 02581-9896549 ooda Email: t.klassner@mail.ru

Komt eenfach! En schriewt Junt uck fots dee aundre Plautdietsch-Termine fe dee neachste Tiet opp:

19. Moaz 2011: Autorenveranstaltung
Buntet Prograum opp Dietsch, Plautdietsch en Rusch tom 60. Jeburtsdach von Tina Wedel enne Vulkanhalle en Kruft von Klock 2 Nomeddach. Derch daut Prograum fehre dee bekaunde Teauta-Lied Peeta en Merieche Woatjentin (Maria und Peter Warkentin).

2. Aprell 2011: Anna-German-Festival
Plautdietschet Musitj- en Leeda-Fast (Festhalle Everswinkel, von Klock 2 Nomeddach)

9.-11. Septamba 2011: Schriewa-Seminoa
Toop mett Agnes Jiesbrajcht/Goossen en aundre plautdietsche Autore (Heim-VHS St. Hedwigshaus en Oerlinghausen)

24. Septamba 2011: Plautdietsch-Doaginj
Dee Vereen Plautdietsch-Freunde e.V. haft siene Mettjliedavesaumlinj en Joaresdoaginj - ditmol topp mettem Bundesrot fe Nadadietsch, woona sich bie dise Jeleajenheit mol mette Plautdietsch-Frind traft en aun disem Dach uck siene Konferenz haft (August-Hermann-Francke-School, Aula vom Gymnasium)

29. Oktooba 2011: Plautdietscha Nomeddach
Wada mett Tina Wedel en vele aundre: Leeda, Literatua, Ernstet en Domms - een plautdietscha Nomeddach enne Vulkanhalle en Kruft, von Klock 2 Nomeddach

Heute ist der Europäische Tag der Sprachen - so wie jedes Jahr immer am 26. September. Vor fast 10 Jahren hat der Europarat beschlossen, mit diesem Aktionstag zur Wertschätzung aller Sprachen und Kulturen Europas beizutragen. Den Menschen sollen die Vorteile von Sprachkenntnissen bewusst gemacht werden und die individuelle Mehrsprachigkeit soll gefördert werden. Außerdem sollen die Menschen in Europa zum lebensbegleitenden Lernen von Sprachen motiviert werden. Es gibt über 200 europäischen Sprachen, und Plautdietsch ist eine von ihnen.

Auf seiner Jahrestagung gestern hat der Verein der Plautdietsch-Freunde beschlossen, auch die nächste Plautdietsch-Doaginj wieder am Wochende während bzw. vor dem Europäischen Tag der Sprachen durchzuführen: also am 24. September 2011. Mit zwei Delegierten im Bundesrat für Niederdeutsch beteiligen sich auch die Plautdietsch-Sprecher in Deutschland am sprachpolitischen Prozess der Umsetzung der EU-Sprachen-Charta.