Plautdietsch fe daut Europäische Natwoatj

Aum latzten Weatjenenj em August (29. – 31.08.2014) tjemmt noh Detmold eene Grupp ut Hollaunt, dee oppe Spure vonne Mennonite derch gaunz Europa jereist ess. Daut ess een Europäischet Natwoatj von Mennoniten (euMEN.net), daut opp dee 500 Joah oole Migratioonsjeschicht von eene europäische Mindaheit oppmoatjsaum moake well.

Doafea ess eene 9.000 km lange Tour derch gaunz Europa jeplont: aunjefonge bie dee Schweiz ewa Frankreich, Belgien, Hollaunt, Nod-Dietschlaunt, Pole, Ukraine, Österreich, Sied-Dietschlaunt en tom Schluss enn Detmold.
Aum 30. August Klock 15 woat daut Museum fe russlauntdietsche Kultuajeschicht de Tour-Deelnehmasch eene Führung em Museum aunbeede en omm Klock 18 een Kultuaprograumm mett Theauta, Kabarett, Leeda en Jedichte, reedjemoakt vom Plautdietschen Autoretjries unja dee Regie von Tatjana Klassner. Too dissem Plautdietsch-Owent lod wie aule Interessiede en.
Wea Froage haft: Telefonnumma : 05231-921626, Katharina Neufeld.

Leave a Comment