Medienoabeida ut Nielaunt, dee ons Deelnehma betreude en aules saummelde. © Horst Martens

Plautdietsch-Schriewasch kome sich opp haulwem Wajch entjeejen

Medienoabeida ut Nielaunt, dee ons Deelnehma betreude en aules saummelde. © Horst Martens
Medienoabeida ut Nielaunt, dee ons Deelnehma betreude en aules saummelde. © Horst Martens

Medienoabeida ut Nielaunt, dee ons Deelnehma betreude en aules saummelde. © Horst Martens

Die 2. Plautdietsche Medien-Konferenz en Neuland es vebie en dee meschte Deelnehma sind aul tus oda oppem Wajch doahan. Nu steit faust: Dee Plautdietsch-Schriewasch sent sich eenich, daut see sich nich eenich send. Dee veschiedene Gruppe, dee veschiedne Meenunge doarewa hawe, woo maun Plautdietsch schrifft, kaume sich opp haulwem Wajch entjeejen. Daut es daut wichtichste Ergebnis von disse internationale Toopkunft.

Meeha Fotos mett twee Sliders opp disse Sied: www.chaco-magico.de

En eenem von mehrere Workshops word ewa dee Schriewwies von Plautdietsch diskutiet. Jeleit vom Plautdietsch-Experten en Plautdietsch-Frind-Vereens-Leida Dr. Heinrich Siemens, sade sich dee Gruppe mett veschiedne Interesse utenaunda. Dau jefft  twee veschiedne Bibelewasatunge, daut Woatj vom Schreftstalla Jack Thiessen, dee Doktaoabeit „Plautdietsch“ von Heinrich Siemens en aundre Veöffentlichunge, noh dee maun sich rechte kaun. Oba aula hawe eare ejne Charakteristike. Hinja dee meeschte Plautdietsch-Schriewasch stohne Medienoabeida, dee missionoarische oda evangelistische Ziele vefolje. En earem Fokus stohne Oolt-Kolonia, dee meschtens moa Plautdietsch tjeene. Von disse Gruppe heft sich dee Verein „Plautdietsch Freunde“ auf, dee en eschta Linie dee plautdietsche Kultua en Traditioon pfleeje well.

Dee Plautdietsch-Oabeida hawe sich nu  jeeenicht, daut see dee Jemeensamkeite vedeepe welle en sich enne Unjascheede sich dichta kome welle. Ewa dee Details woat dee Enj Juni, Aunfang Juli rutkomende Tiedschreft Plautdietsch Frind berechte.

Groota Erfolch – 80 Medienoabeida kaume noh Neuland

Em Fokus - dee Referente. © Ari Franz, Archivo Neuland

Em Fokus – dee Referente. © Ari Franz, Archivo Neuland

Dee 2. Plautdietsche Medienkonferenz (PMK) we een groota Erfolch.  Noch nie hawe sich soovel plautdietsche Medienvetreda vesaumelt, nämlich knaup 80 Mensche ut Paraguay, Bolivien, Mexiko, Belize, Kanada, USA en Dietschlaunt. To vedanke we daut en eschta Linie dem Organisatioonsteam mett Viktor Sawatzki, Michaela Bergen en Osvaldo Schapansky. Dee hawe solang opp potenzielle Deelnehma enjeredt, daut see uck kaume. Dee Veaunstaulta en Sponsoree hawe see solang ewaredt, bet see jo sede. Dee dree bilde nu den niej jewählden Medienkonferenz-Veastaund mett Viktor Sawatzki aus Veasettendem. See kunne uck aul eene Ennlodinj vealaje, ewa dee sich aula freide: Enn twee Joah finjt dee Medienkonferenz en Chihuahua, Mexiko, staut.

Seeha jelooft word uck dee Veaunstaulta, dee Kolonie Neuland, dee unja dee Chaco-Koloniee nu dee Nees feare haft. Neuland stalld nich moa den Veaunstaltungssol, daut Auditorium enne Sekundarschool, sonda loot uck jieden Dach tom Meddach- en tom Unkast-Eete em koloniesejnen Hotel en. Heinz Bartel, dee niea Ewaschult en Präsident vonne Kooperative Neuland, eröffnet mett siene Bejreessungsred dee Konferenz. Beendruckt were dee Deelnehma uck von dee technische Kompetenz vom Kommunikationsteam ut Nielaunt, daut von Osvaldo Schapansky jeleit woad. Aun jiedrem Vemeddach en aun jiedrem Owend word dee Konferenz live enn Radio Neuland ewadroacht. Sowaut haudet noch nich jejeft.

Veadrej – live enn Radio Neuland

Aula toop © Horst Martens

Aula toop © Horst Martens

Aum Veameddach stunde Veadrej emm Meddelpunkt. Heinrich Siemens red ewa dee jeschichtliche Entwetjlung en Schriewwies vonne Sproak Plautdietsch. Michaela Bergen ertjledd, woo maun een Natwoatj but. Viktor Sawatzki stalld „PlautPot“ vea, eene Internet-Plautform, opp dee sich aule Medienoabeida mett eare Medien vebinje. Hans Reimer ertjledd, woo daut Radio funktioniet. en Horst Martens erläutad, woo dee Mennonite von butenut, besondasch enne internationale Medien, jeseene woare. Aune Owende ware aule Interessiede enjelode, uck vonne aundre Kolonie. Aum eschten Owend stallde dee Deelnehme eare Organisatioone vea – daut we seeha interessaunt, waut fe interessaunte Mensche unjere Medienoabeida send. Dee plautdietsche Literatua stund bie Uwe Friesen em Meddelpunkt. Aum latzten von Heinz Wiebe jeleiden Owend sunge dee „Fief Menniste“, eene Folk-Band ut Fernheim, en veschiedene Plautdietsche droge Jedichte oda tjliene Stetja oda Sketche vea. Tom Schluss worde dee Bild utjeroopt, dee de Tjinstla Benni Peters während dee Konferenz jemolt haud.

Lache ewa „Klucki“

Najo, een vollet Programm – oba wie kunne je uns uck tweschenen mett Tereré oppfresche, dee Sommaversion vom paraguayschen Matetee. Dee Figua, ewa dee aum meschten jelacht word, wee ut Toon en heet „Klucki“. Dee Grund: Oppe Medienkonferenz herrschde strenje Reejle: Wea Weda bruckt, dee nich plautdietsch were, musst een Jeldspende en daut Loch stoppe, daut „Klucki“, eene stolte Hahn, aum Hinjarend haud. Daut jeef jiedes Mol een grootet Jelächta.

Text: Horst Martens

 

 

Leave a Comment