Plautdietsch-Freunde e.V.

Bild: Rudy Wiebes Roman FRIEDE WIRD VIELE ZERSTÖREN erscheint im Herbst 2009 im Tweeback-Verlag zum ersten Mal in deutscher Sprache.

Dee Vereen Plautdietsch-Freunde e.V. woat ditjoa 10 Joa oolt! Dee Doaginj aum 21. Novamba 2009 (Sinowent) woat doaweajen nich bloos “Jahrestagung” mett “Vorstandswahl” senne. Daut woat uck sonst een gaunz besondret Fast — mett eenem gaunz besondren Teema:

Fred en Wealoosichtjeit…

Hia dee Dach em Ewabletj (…opp Hochdietsch: Info/Einladung)

Klock 11.00 – 13.00 Mettjlieda-Vesaumlinj, Veastaunt-Wohl
(…dee mettjlieda woare noch Extra-Enlodinje mette DOPs tjriee…)

Klock 14.00 – 14.30 Tridj-Seene, Nofeare-Seene: 10 Joa Plautdietsch-Frind-Vereen (Peeta Wiens, Hendritj Siemens)

Paus (Meddach)

Klock 14.30 – 15.00 Wolfgang Krauss: Geschichte des Täufer-Pazifismus, DMFK

Klock 15.00 – 15.30 Viktor Rempel: Wehrlosigkeit in der Gemeindepraxis heute

Klock 15.30 – 16.30 Poodiumsdiskussion mett Wolfgang Krauss, Viktor Rempel, Joachim Utz, Rudy Wiebe en Werner Wiebe (Moderatioon: Peeta Wiens en Hendritj Siemens)

Paus (Koffe, Tee)

Klock 17.00 – 18.00 Lesinj mett Rudy Wiebe (Kanada): Friede wird viele zerstören (opp Hochdietsch: Joachim Utz)

Paus (Vaspa, Owentkost)

Klock 19.30 – 21.00  Arnold Dyck: De Forstei. Teauta-Stetj en twee Akte mett Jehaun Pana (Johann Penner, Detmold) en Frind

Hier PDF-Datei mit Info/Einladung in deutscher Sprache downloaden!

.
Dit es butajeweenlich en waut gaunz Besondret: Aum 8. Moaz 2008 send Rudy Wiebe en Miriam Toews bie ons to Gaust! Teewsche en Wieb, beid tale to dee baste Schriewasch manke Literaute en Kanada. En beid habe ewa “eare” plautdietsche Tjintheit en Kanada jeschrewe!…

Meea Infos kome noch!

Vom 8. bettem 10. Feebua trafe sich en Oerlinghausen (NRW, D) Mensche, woone opp Plautdietsch schriewe (welle) to eenem
Literatua-Seminoa. Agnes Goosse (Jiesbrajcht, Literaturkreis der Deutschen aus Russland) en Hendritj Siemens (Plautdietsch-Freunde) habe daut organiset en leide uck dee Referate en Diskussioone.

Aum Sinowent oppenowent (9.2.08, Klock 19.00) jefft daut eenen opnen Owent mett Jedichta, Jeschichte en Leeda opp Plautdietsch — aula Entressede send enjelodt! Daut Schriewa-Seminoa es enne Heimvolkshochschule (HVHS) St.-Hedwigs-Haus, Hermannstr. 86, dicht bie Bielefeld. Auf daut Motto “Plaut schriewe, oba nich too plaut…” uck omjesat woat? Well hope! En hangone en selwst seene!!

Daut Bilt hia bowe es ut tweebak.blogspot.com

Dit es nie – en goot! Tatjana Klassner haft ea haulwet Lewe lang jesaumelt en jesaumelt en oppjeschrewe en oppjeschrewe: Aules waut dee plautdietsche Mensche en Russlaunt, Dietschlaunt en sonstwoo saje, wan se waut oppen Punkt brinje welle. Ooda, wan dee Menniste waut saje welle (ooda sinje!) mett soone Wed, woone aul emma en aulem bekaunt send – Sprichwed.

Ditjoa haft Heinrich Siemens sich dee Oabeit jemoakt en aules schmock derchjeseene, ewaoabeidt en aus Bok toopjestalt. Rutjekome es een wundaboaret en 267 Sied grootet Lexikon der plautdietschen Sprichwörter, Gedichte, Rätsel und Lieder.

Dit niee Bok kost bloos 15 Euro en kaun bie dee Plautdietsch-Frind en Detmold bestalt woare. Einfach aunroope ooda emaile!

Plautdietsch-Freunde e.V.
Moritz-Rülf-Str. 5
D-32756 Detmold

Tel. 05231 – 3089818
…nich von Dietschlaunt: +49 – 5231 – 3089818
Fax 05231 – 3089819
eMail info@plautdietsch-freunde.de

Kentooa-Tiede: Di, Do: 8-12 Uhr