Plautdietsch-Freunde e. V.

Leewe Plautdietsch-Frind, uck in diesem Joa es wada vel loos manke Menniste! Wea sich fe dee plautdietsche Sproak entresset en fe dee Mensche, woone dise Sproak noch rede en uck noch lang rede welle, dee es hia bie ons em Plautdietsch-Vereen seea wellkom! Ditjoa well wie t.B. dit doone:

19./20. Feebua: Plautdietsch-Seminoa ("Methoden-Workshop") aune Uni Bielefeld
Moaz 2010: Mett Fraunz Thiesse no Paragwai
8. Mei 2010: Plattdeutschtreff mett Tatjana Klassner en Everswinkel ("Tapaletinsch op Plautdietsch")
Somma 2010: Studienreis Orenburch
Hoafst 2010: Plautdietsch-Doaginj

En wea jern Jeschichte schrift, dee sull onbedinjt twee Siede fe dem NDR-Wettbewerb "Vertell doch mal" sotschenjeje -- Einsendeschluss es Utgang Feebua! Bett nu habe dee Plautdietsche doa noch nich vel jewonne, oba...

Foto: Junges enne School von Shipyard. Plautdietsch-Studienreis Belize 2009

Woohan saul dee Plautdietsch-Studienreis neachstet Joa (2010) gone? Dee Plautdietsche-Frind habe sich disen Somma soo meea opp dee plautdietsche Darpa en Jeajent bie Orenburch (Orenburg) je-eenicht. Boolt woa wie meea doarewa bekaunt jewe.

Ditjoa (2009) em Feebua we daut Ziel Belize. Informatioone en Bilda vonne dise Studienreis send en em Blog Mien Belies to lesen en to seene!

Fe neachstet Joa plont Fraunz Thiesse uck wada eene Reis Paragwai. Oba daut lat meist soo ut, daut aul tjeen Plautz meea es...