Vel Tjinstla kome tom gratuliere: Tina Wedel woad 65

Dee nich moa unja Russlauntdietsche bekaunde Tjinstlarin Tina Wedel fiet em Farjoah earen 65. Jeburtstag. En daut deit eene Tjinstlarin aum basten, en dem see een Konzert jefft. Tina Wedel roopt en vele kome – om to gratuliere: Musika, Komponiste, Kabarettiste en Senja send doabie.

  • Konzert von Tina Wedel. © Horst Martens
Daut Konzert es aum Sinnowend, 12. Moaz, enne jemietliche Halle vonne Frietjoatj Hohenloh bie Detmold. Dee Veaunstaltinj fangt Klock 14 aun – we lang se diet, weet wie nich, oba bestemmt nich kort, wann man sich dee vele Tjinjstla auntjitjt, dee toojesajcht hawe: Ella Deppe, Lidja Gottfried, Peter Braun, Sophia Beifuß, Nikolaj Sudakow, Josef Klassner, Andreas Melzer, Alexander Woroba en dee naunwaussende Talente Milana en Niklas Ens, Max Hermann en Ewarauschungsjast. Mett vele von disse Tjinjstla oabeit Tina uck musikalisch toop.

Sinnowend, 12. Moaz

Aunfang: Klock 14 / Nennalote: Klock 13

Freikirche Hohenloh, Detmold

Anne-Frank-Straße 3

Telefon: 0228 / 2891791

tina.wedel@web.de

Em plautdietschen Darp en Kirgisien

Tina Wedel word en eenem plautdietschen Darp enn Kirgisien jebohre. Aul eare Ellere en ea Frintschaft we seeja musikalisch. Noh dee Schol led see eenen technischen Beroof, dee mett Elektrizität to doone haud. Oba Musitj en Literatua bleef wichtich en earem Lewe.

„Kraunkjes“ es ea jratsta plautdietscha Hit

Von 1993 aun lewt Tina en Dietschlaunt. Eare Leeda schrifft en sinjt see en Dietsch en Plautdietsch toop mett earem Entjel Max Hermann. Bekaunt send „Heimatlied“, „Sonnenblumen“, „Liebe kennt keine Grenzen“. Toop mett dem Komponist en Musitjproduzent Andreas Melzer haft see vel Alben rutjejeft. Butadem haft Tina uck CD’s mett plautdietsche Leeda veöffentlicht so aus „Witte Roose“ oda „Dise Uege“. Ea jratsta plautdietscha Hit es woll „Kraunkjes“ (Kraniche).

Katharina oda Tina Wedel wohnt enn Bonn. Eare Hobbies send Sinje, Leeda schriewe, Veaunstaultinje organisiere, Molarie, Musitj, Fotografiere, Filme. Eare leewste Musik send Klassik en Schlager. Se redt Dietsch, Russisch, Kirgisisch, Plautdietsch.

Leave a Comment