Groote Fiea enn Detmold: MCC woat 100

Foto: Karen Arnold auf Pixabay

Daut Mennonite Central Committee (MCC) lodt jemeensaum met dem Museum fe russlauntdietsche Kultuajeschicht to eene Fiea weajens dem 100-joaschen Bestohne enn. Oppem Prograum stohne unja aunderem unjaschedliche Workshops, een Konzert, Lesunge, Fiehrinje em Museum en velet meeha.

SAVE THE DATE / 13.-14.03.2020

1920, fots noh dee Revolutioon, word dee Ukraine von Birjatjrich, Hungaschnoot en Krankheit heimjesocht. Dee Fredenstjoatje vonne Mennonite enne Ukraine schetjte eenen Roop noh Hal aune Mennoniten en Westeuropa, USA en Kanada. Noch em selwjen Joah wort daut MCC jejrindt. Von 1922 bit 1923 vesorjt daut MCC 75.000 Mensche met dee nootwendje Meddel, om den daut Ewalewe to sechere. Dusende Nohfoahre vonne Halpsbedirftje von damols lewe vondoag em Omfletj vom Museum. Vondoag leist daut MCC wada Halp enne Ukraine en vesorcht Weisetjinja en Tjrichsflichtlinje.

Von Aunfang aun vefoljd daut MCC daut Ziel, sich omme Noot enne Welt „em Nome Jristi“ to tjemmere. Daut MCC well „Wunde heele“ en Fred soo auls uck Jerajchtichtjeit unjastette.

Veranstaltungsort: Museum für russlanddeutsche Kulturgeschichte Georgstraße 24, 32756 Detmold www.russlanddeutsche.de

Leave a Comment