MCC-Fast: Aunmalde bit morje

Daut MCC halpt oppe gaunze Welt. Bild: Gabriel Miguel Bero auf PixabayBeitragsbild

MCC-Fast: Aunmalde bit morje

Daut Mennonite Central Committee (MCC) lodt to eenem Fast enn, om daut 100-joahsche Bestohne to fiere. We Interesse haft, saul sich bit morje, 31. Jaunua 2020, aunmalde!!! En daut unja disse Adrass: museum@russlanddeutsche.de .

Aum Friedach, 13. Moaz, fangt daut Fast om Klock 18 aun, aum Sinnowend, 14. Moaz, om Klock 10.

Oppem Programm stohne unjascheedliche Workshops, een Konzert, Lesunge, Fiehrinje em Museum en velet meeha.
1920, onmeddelboa noh dee Revolution, word dee Ukraine von Birjatjrich, Hungaschnoot en Krankheit heimjesocht. Dee Fredenstjoatje vonne Mennonite enne Ukraine schetjte eenen Roop noh Halp aune Menniste von Wasteuropa, vonne USA en von Kanada. Noch em selwjen Joah word daut MCC ent Lewe jeroope. Von 1922 bit 1923 vesorjd daut MCC 75.000 Mensche met dee nootwendje Meddel, doamet dee ewalewe kunne.

Von Aunfang aun haud daut MCC daut Ziel, Mensche en Noot oppe gaunze Welt to halpe.

Leave a Comment