FRIND 29 – Juli 2014
„Plautdietsch enne School“ – ewa daut Theema berecht disse Utgow. Enn vele Bundeslända steit daut aul oppem Stundenplon. Oba ons mennischet Platut woad noch nich von Lehrasch unjarecht. Daut saul sich ändere, wannet noh Heinrich Siemens jeiht, dem Veasettenden vom Verein „Plautdietsch Freunde“. Doarewa tjen jie enne neachste Utgow vonne „Frind“ lese.
Een aundret Theema: „Menniste, Journaliste, Poliziste“ beschaftijcht sich doamett, woo wie mett dee Medien ommgohne seele, wan dee Negativet ewa onse Jesallschaft berechte. Doo jeiht daut uck omm dee Froag, woo Menniste eare Kriminelle behaundle seele. Enn dem Berecht von Redaktionsleita Horst Martens nehme relevante Menniste doatoo Stallung: dee Theologe Fernando Enns, dee Journalist Marvin Dürksen, dee Ewaschult Edwin Reimer, dee Museumsleitarin Dr. Katharina Neufeld en dee Archivar Uwe Friesen.
Daut Titelbild haft Claudio Martens oppjenohme. Daut „Model“ es Leonie-Sophie Kirschner. Dankscheen fe june Metthalp.
Aule aundre Artitjel:
Dee siedlichste Plautdietsche vonne Welt: Speziere mett onse Mensche enn Argentinien en Uruguay
Woovel Heimat bruckt een Mensch: Wettbewerbs-Essay von Elina Penner
„Deel vonne plautdietsche Welt“: Interview mett Elina Penner ewa eare Welt
Danzig – Elbing – Heubuden – Marienburg: Mette Plautdietsch-Frind oppe Spure von onse Veafoahre
Eene stoatje Fru enn schratjlije Tiede: Katharina Fast beschrifft daut leetvolle Lewe von eare Mutta
Jeloagne Jeschichte: Wann Mensche „Steena ut dee Ed leje”
Onse Trientje but een Hus: Tjinjajedichta von Tatjana Klassner
Eenmolich: Een plautdietscha Polizist enn Paraguay
Fresche sure Gurtje – Auna eare Koaksied
Hopninj fe daut Paradies: Firma well Betroffene vonne Neufeld-Kolonie halpe
Aundacht: Gott tjannt den Wajch