Ommfroag: Dee Kluft tweschen Plautdietsche en Hochdietsche
1. Sennt See uck dee Meeninj en waut hoole See doavon, daut dee hiesje en dee plautdietsche Mennonite meist nuscht nich metteenaunda to doone habe?
Wann dee Meeninsjfrieheit soo blifft en tjeene Vefoljinj drooht, blifft aules soo aus daut ess, mett eenije Utnohme.
2. Waut sent dee (historische) Jrind doafea, daut dee beid Gruppe sich uteneen jelewt habe?
Daut Bibel-Vestendnis en daut Jemeendevestendnis.
3. Woont sent dee bekaunde Stereotype von dee watjselsiedich aundre Lewensform?
Sie woare enn Kanada, Siedamerika en Dietschlaunt unjascheedlich jenannt, oba auleweajent weet eena jenau, wea wem fe waut helt.
4. Sull wie disse Paralleliteet ewawinde oda sulle aula enn eahrem Biotoop wiedableje (oda vedreje?), ohne daut sich eena omm dem aundren tjemmat?
Organisatorisch woat dee Paralleliteet wieda bestohne, oba eenije weinje Biespells ute Vegohnenheit wiese, daut Gott waut entwetjle kaun; daut toop tjemmt, waut toop jehiet.
5. Habe See perseenlich eeha goode ooda schlajchte Erfoahrinje jemoakt?
Etj hab perseenlich goode en schlajchte Erfoahrinje jemoakt, oab etj tjitj volla Hopninj opp daut enne Tookunft, waut Gott sien Jeist enn dee veschiedne Gruppe beweaje woat.
Hans von Niessen we lange Tied Utsiedla-Betreua. Von 1972 aun leid von Niessen dee ,,Umsiedlerbetreuung”, dee em Opptrach vonne IMO (Internationale Mennonitische Organisation) jejrint word, omm „Lot-Tridjkoma ute UdSSR en Tridjwaundera ut Siedamerika to betreue. Von Niessen we selfst een Tridjwaundera ut Paraguay. Von ahm staummt uck dee Rot, daut dee Russlauntdietsche ejne Jemeendes jründe, wiels daut mett dee hiesje nich klauppt.