Diss Artitjel ess utem Heft 42
Rudy Wiebe haft met „Land jenseits der Stimmen“ eene Roman jeschrewe, enn dem uck emma wada dee Doagbetja vonne Enjlenda zitieat woare. Doabie ess een groossoatjet Bok rut jekome, fe daut hee dem wichtichsten Literatua-Pries von Kanada jetjreaje haft. Ditt Bok we lang nich to tjeepe, nu ess dee tweede Opploag, ditt mol uck met Koate, erschiene.
Ver 200 Joah, aune 1819, mok sich John Franklin von Enjlaunt ut oppem Seewajch, om dee Nordwestpassage to setje, aulsoo eene Meajlichtjeit, mettem Schepp em Node von Kanada om dem amerikaunschen Kontinent rom to foahre. Eenije Joahre lang sent see enne Lomm opp jefeahrliche Ritsche, lota too Foot unjaweajes, em Winta ess uck dee Dach diesta aus dee Nacht, dee Yellowknife (Jele Tjnief) Indiauna vesorje ahn met Ete. Twee Enjlenda prieze sich weajen eene Indiauna-Mejal, aunstaut to tjitje, woo dee Mensche doa aul Joahdusende lewe, meehne see, eah enjlischet Lewe uck doa lewe to tjene, woo dee Natua gaunz en goa aundasch ess aus tus. Auss see soogoa eahre Schooh aul opp ete musste, ha see aum Enj nuscht nich meeha toom Ete en soo kome lang nich aula wada tridj.
http://tweeback.com/katalog/wiebe-land
ISBN: 9783944985091, Gebunden mit Schutzumschlag, 391 Seiten, € 24.95
