Theema vonne niee Utgow: “Plautdietsch enne School”

Foto: Claudio Martens. Model: Leonie„Plautdietsch enne School“ – ewa daut Theema berecht dee nächste „Plautdietsch Frind“. Enn vele Bundeslända steit daut aul oppem Stundenplon. Oba ons mennischet Platut woad noch nich von Lehrasch unjarecht. Daut saul sich ändere, wannet noh Heinrich Siemens jeiht, dem Veasettenden vom Verein „Plautdietsch Freunde“. Doarewa tjen jie enne neachste Utgow vonne „Frind“ lese.

Een aundret Theema: „Menniste, Journaliste, Poliziste“ beschaftijcht sich doamett, woo wie mett dee Medien ommgohne seele, wan dee Negativet ewa onse Jesallschaft berechte. Doo jeiht daut uck omm dee Froag, woo Menniste eare Kriminelle behaundle seele. Enn dem Berecht von Redaktionsleita Horst Martens nehme relevante Menniste doatoo Stallung: dee Theologe Fernando Enns, dee Journalist Marvin Dürksen, dee Ewaschult Edwin Reimer, dee Museumsleitarin Dr. Katharina Neufeld en dee Archivar Uwe Friesen.

Daut Titelbild haft Claudio Martens oppjenohme. Daut “Model” es Leonie-Sophie Kirschner. Dankscheen fe june Metthalp.

Butadem enne „Frind“:

Lesareis noh Danzig / Hoopninj fe daut Paradies: Firma well Betroffne vonne Neufeld-Kolonie halpe / Reis derch Argentinien en Uruguay / Artitjel ewa „Heimat“, dee eenen Pries jetrjeeje haft / Jeloagne Jeschichte / Rezapt: Woo maun sure Gurtje enlajcht / Daut Leewe von eena stoatje Fru.

Wea eene “Frind” hawe well, malt sich bie Plautdietsch Frind, c/o Anne Wiens, Plautdietsch-Freunde e.V., Georgstraße 24, 32756 Detmold, Tel: +49 (5231) 921662, info@plautdietsch-freunde.de. Een Exemplar kost 9 Euro.

 

Leave a Comment