Neajen Doag oppe Spure von Menniste derch Polen – doatoo lodt dee Mennonitischer Arbeitskreis Polen (MAP) vom 1. bit 9. Juli 2033 enn. Organisiet woat dee Tour von Johann-Peter Wiebe ut Bechterdissen.
Dee Reise jeiht ewa Gnesen noh Danzig en Thorn. Dee Grupp besetjt historische mennische Stede – tom eschten Mol jeiht daut uck noh dee Kaschubei, wo uck mennische Darpa were. Dee Reiseleitung informiet ewa dee kulturelle Leistunge von Menniste en dee besochte Regioon. Bejeajnunge met polnische Gruppe send veajeseehne. Dee Reis ess escht fe 2023 jeplont! Tiedich aunmalde es oba needich.
Danzig by Night. ©Horst Martens
Seeha vel Attraktioone
Dee Foaht ess opp Wensch extra enne Ferientiet velajcht worde. Daut jefft seeja vel spaunende Aunjebotts: Aundacht enne Mennonitentjoatj von Montau. Aundacht enne eejemolje Mennonitentjoatj Danzig. Staudtfiehrinj derch Danzig. Besuch vom Ostseebod Zoppot en Speziegang oppe Mole, dee met 514 Meeta to dee jratste heltane Seebridje enn Europa jehiet. Besuch vonne beriemde Marienburg. Besuch vom Tjoatjhoff enn Heubuden en dee eejemolje Mennonitentjoatj Thiensdorf / Markushof en dee Tjoatj enn Pr. Rosengart. Foaht noh Oliwa met dee Kloostakathedrale. Foaht noh dee Kaschubei, woo uck eejemolje mennische Siedlungsote besocht woare. Tridjfoaht noh Danzig vonne Haulfinsel Hela mett dem Schepp. Disse Ote stohne uck oppem Plon: Schönhorst, Tjoatjhoff Ladekoop, Neuteich, Elbing, Frombork. Scheppsfoaht noh Kahlberg. Ete biem Verein Dawna Wozownia enn Mielenz. Werdermuseum enn Tiegenhof. Tom Schluss jeiht daut noh Thorn.
Dee Reiseleitarin tjant sich ut enne mennische Jeschicht en redt goot Dietsch. Em Aunjebott send acht Hotelewanachtunge en acht mol Freehstitj en Unkast ennthoole.
Priese pro Persoon (emma p. Person em Doppelzimmer)
Bei 20 bit 29 tolende Persoone, € 1329,–
Bei 30 bit 39 tolende Persoone, € 1128,–
Ab 40 tolende Persoone, € 1030,– / Einzelzimmerzuschlag € 280,–
Aunmaldung opp separatem Aunmaldeformular biem Veaunstalta:
OSTREISEN, Lagesche Straße 32, 32657 Lemgo, Tel.: 05261-28826-00
Fax: 05261-28826-26, E-Mail: info@ostreisen.de
