Meist 600 Deelnehma hawe aufjestemmt. See hawe entschiede, wea den Arnold-Dyck-Pries tjricht. Nu saul dem Jewenna oda dee Jewennasche uck dee Pries ewajeft woare.
To dee Pries-Ewagow send aule Plautdietsche von Hoate ennjelodt:
aum Sinnowend, 7. Nowamba, reed wie daut Fast ut. Klock 16 em Forum vonne August-Hermann-Francke-School, Georgstraße 24 enn Detmold.
Dee Veaunstaulta send dee Plautdietsch-Freunde, daut Museum für Russlanddeutsche Kulturgeschichte en dee Tweeback-Verlag.
Joahresvesaumlinj
Twee Stund verhea, aulso Klock 14, trafe sich dee Plautdietsch-Freunde to eahre Joahresvesaumlinj – aune selwje Adrass, dee Rum steiht oba noch nich faust.
Dee Kandidot*inne
Dee Kandidote, dee daut meajlich moake tjene, kome uck to dee Priesfeia. Dee fief Kandidote send:
*Andreas Dück, Leedamoaka (Bliew Plautdietsch, bliew Mensch).
* Marcela Enns ut Mexiko, Youtuberin unja dem Nohme „Dietsche Mejal“.
* Elina Penner, Bloggerin ewa Familje-Theemasch en ewa daut Dietschsenne.
* Katharina Peters schrifft Jedichta en Kortjeschichte.
* Lore Reimer, Dichterin en Schreftstallarin.
Auls Pries wintjt eene Veöffentlichung biem Tweeback-Verlag von Heinrich Siemens. To dee Pries-Jury jehiere: Anne Wiens-Janzen, Peter Wiens, Heinrich Siemens,Horst Martens en Agnes Gossten.
Wea ess Arnold Dyck?
Met dem Pries, dee von FRIND-Jrinda Peter Wiens initiiet word, weill dee Verein dee plautdietsche Kultur unjastette. Desweajens ess dee Pries uck noh dem Schreftstalla benant worde, dee nich moa tom eschten Mol opp Plautdietsch schreef, sondern derch siene Woatje (Koop- en Bua-Jeschichte, Oppe Forstei, Dee Fria) uck aum bekaundesten word.
Horst Martens