„Dee aundre Menniste“ – soo heet dee Titeljeschicht vonne niee Utgow von „Plautdietsch Frind“. Daut Heft erschient enne neachste Doag.
„Kommt ihr aus Norddeutschland?“
Dee „Plautdietsch Frind“ we tom Gemeendedach vonne AMG (Arbeitsgemeinschaft Mennonitischer Gemeinden) ennjelodt. To dee AMG jehiere tom grooten Deel dee oole mennonitische Jemeendes – aulso dee dietsche Dietsche. Dee Vereensleitung bud sienen Staund opp – en een poa Mensche kome uck en weare nieschierich: „Plattdeutsche, ja dann kommt Ihr wohl von Norddeutschland?“ Enn disse Froag we dee Onntjanntnis doarewa vestoppt, daut enn Dietschlaunt dee Mehrheit vonne Menniste Plautdietsche send. Ewa daut Onweete we wie entsetzt. Daut es uck soo, daut dee AMG uck leewa mett dee evangelische enn kathoolische Tjoatj toopoabeit.
Interview Fernando Enns
Oba enn dee Reportage enne niee FRIND kritisie wie dee AMG nich moa, wie lowe dee uck fe dee goode Oabeit, dee doa jeleist woad. Eena vonne bekaundeste Vetreta vonne AMG es uck een Mennist mett plautdietschem Hinjagrund, obwohl hee moa noch weinich Plautdietsch kaun: Fernando Enns es fe vele enne tjristliche Welt een Begriff derch sien Enntrede fe dee Fredenstheologie. Wie moke een Interview mett ahm.
Plautdietsch, Hutterisch, Pennsilwaunschet Dietsch en Jiddisch
Een wiederet Theema, waut kratjt soo interessaunt es: Heinrich Siemens, ons Vereensveasettenda, troff sich enne USA mett Vetreda vonne Amische, Jude, Huttera en Menniste. Waut vele nich kloa es: Aule disse Religioons-Jemeenschafte rede Sproake, dee vom Dietschen aufstaume, tom Biespell dee Jude daut Jiddische. Daut Traffe we uck daut eschte tweschen disse Jemeenschafte, en tom eschten Mol tom Theema Sproak.
Woo jefft daut onse Tiedschreft?
Dee Plautdietsch Frind jefft daut emm Abonnement. Oda fe 9 Euro em Kontoa bie Anne Wiens: Plautdietsch-Freunde e.V., Georgstraße 24, D-32756 Detmold, Tel.: 05231-7019204, Fax: 05231 7019510,
info@plautdietsch-freunde.de,
Onse Kentooa-Tiede: Mondach klock 8:00–13:00.
Dee Ennhault enne Ewasecht
Editorial
Dee aundre Menniste
Soo fiet dee mennische AMG-Mindaheit eahren Jemeendedach
Utjlitj derch Kommunikatioon
Heike Höpner ess Medienfru vonne Hamburger Mennoniten
Flucht vom mennischen Hetfiea
Roni Baergs Bok „Mit den Wolken fliegen“ woat kontrovers diskutiet
„Wie welle to dee Fredenskultua biedroage”
Interview met Kornelius Ens, dem nieen Leita vom Museum für russlanddeutsche Kulturgeschichte
Plautdietscha Ennfluss opp Worship
Danny Plett opp Dietschlaunt-Tour
Bootschofta von onsem basten Goot
Interview met Fernando Enns, dee mennische Fredenstheologie leht en vetrat
Auna eahre Koaksied
Pelmeni (fe 4 Mensche)
Vondoag erlewe, waut onse Veafoahre droge
Lina Unrau neihd Tjleeda, dee ver ewa 100 Joah Mood were
Enne Jesallschaft trocke se Schlerzbetje aun
Mennische Tjleeda aum Biespell Sibirje
Mensche met Gloowe, Stemme met Traditioon
Konferenz enn Madison/Wisconsin ewa Plautdietsch, Hutterisch, Pennsilwaunschet Dietsch en Jiddisch
See streede en vetjielde sich
Dee Nationalsozialismus beweajt uck Mennonite enn Paraguay
Fredlich toojedatjt
Eene Plautdietsche enne Schweiz neiht Patchwork-Datje fe Flichtlinje
Onse Welt
– Menniste liede unja Terroriste
Onse Welt
– Ditt en daut ewa dee Joahresdoaginj
– Bok von Miriam Toews aus Theautastetj
– 600 km Piljareis von
– Menniste en Indiauna