Aum Sinnowend, 23. Septamba, von Klock twee Nohmeddach traffe sich dee Plautdietsch-Frind wada enne AHF-School enn Detmold to eahre Joahresvesaumlinj.
Veastaunt-Waohl en Schriewasch-Traff
Ditt Joah woat uck dee Veastaunt nie jewehlt. Aul von Klock tiehn zemorjens traffe sich, soo aus dee latzte Joahre, dee plautdietsche Schriewasch.
Oppen Owent: Film ewa argentinische Menniste
Dee Eenzelheite vom Prograum waore toop mette Ennlodinj to dee Metjliedavesaumlinj veschetjt, oba eent steiht aul mol faust: Oppen Owent woat Nora Fingscheidt eah Film „Ohne disse Welt“ ewa plautdietche Menniste enn Argentinien jewese woare.
Nora we latztet Joah opp onse Vesaumlinj en wees aul mol Utschnette utem Film, enne latzte Utgow dretjd wie een Interview met ahr, en ditt Joah haft see fe dissem Film dem Max-Ophüls-Pries jewonne. Wie gratuliere von Hoate.
Plautdietscha Dach
Klock tiehn: Plautdietsch Schriewasch traffe sich
Klock twee: Metjliedavesaumlinj
Oppen Owent: „Ohne disse Welt“, Film von Nora Fingscheidt ewa plautdietsche Mennische enn Argentinien.
AHF-School enn Detmold, Georgstraße 24
