Dee Wiehnachtsutgow von Plautdietsch FRIND (2/2018) es em Kontoa ennjetroffe en woat enne neachste Doag vedeelt.
Daut Haupttheema es „Dee oole en dee niee Wies“. Peter Letkemann vetallt ons, woo onse Veafohre sunge. Letkemann hilt den Veadrach oppe Joahresdoaginj aum Nohmeddach enn Detmold. Dee Senja Johann Penner sad daut Theema dann aum Kultuaowend seeha unjahoolsam om.
Dee Theemasch em Ewablitj
• Dee oole en dee niee Wies / Dee Jesang von onse Veafohre: Veadrach von Peter Letkemann
• Dee Scheenheit vonne Muttasproak fausthoole / 12. Plautdietsch-Schriewasch-Trafe
• „Fief, sass, süb” / Johann Penner schmeet den Kultuaowent auls Unjahoola
• Internationale Medienkonferenz / Wie sent Gaustjewa
• Mensche ut ne aundre Tiet / Interview met dem sponschen Fotografen Miguel Bergasa ewa siene Passioon fe Oolt-Menniste
• Enn korta Tiet eene goode Existenz oppjebut / Madelón: eene niee Mennistekolonie em Nodwaste vom Chaco
• Dee froohe Bootschauft vom gooden Beea / Esther Isaak de Schmidt-Bohländer haud eene Beeaspezialiteete-Lauftje en we Bundestags-Kandidatin
• Plautdietsch tweschen blaue Lagune en Daunzvedel / Enne Siedlung „Salamanca“
• Plautdietsche Sendunge em boliviaunischen Deeplaunt / Viktor von Sewen we to Gaust enn Bolivien
• Anne Wiens haft sich befriet
• Daut Darp em Reajenwoolt / Berecht von Hermann Schirmacher ewa een Halpsprojatjt enn Ekuador
• Een Kanodja enn Dietschlaunt / Sean Goerzen oppe Setj noh sien mennischet Frindschaft
• Plautdietsch unja Plattdüütsche / Sproakedach enn Cloppenburg
• Onse Welt / Ditt en daut
• Dee eschta Chaco-Schreftstalla / Nohroop opp dem plautdietsch-mennischen Autor Peter P. Klassen
• Niee Betja
• Lyrik / Gedichte
• Lauftje