Miriam Toews lest enn Dietschlaunt

Miriam Töws en eah nieet Bok. ©Hoffmann und Campe / Wikipedia, Töws beim Festival "più libri più liberi" en Rom.

Miriam Toews tjemmt noh Dietschlaunt en stallt eah Bok “Die Aussprache” vea. See haft Lesunge enn Osnabrück (22.3), Köln (23.3.), Berlin (25.3.) en Hannover (27.3.).

En Kanada es daut Bok “Women Talking” aul em August 2018 erschiene en jehiet doa to dee erfolgritjste niee Betja von 2018. Enn dietscha Sproak tjemmt daut Bok unje dem Titel “Die Aussprache” biem Verlag Hoffmann und Campe Aunfang Moaz rut. Desweajens kaun maun den Romaun uck escht veabestalle.

Dee Romaun von Miriam Toews nemmt dee Jeschehnisse enne mennische Kolonie Manitoba aus Grundloag. Doa haud eene Grupp von acht Manna bit 100 Frues vejewoalticht. See haude Beteibunsspray enne Schlopzimmasch jespreit. Dee Manna musste eene Jefengnisstrof aufsette.

Doa sat dee Jeschicht von Miriam Toews enn: Dee missbruckte Frues berode, waut see doone sele, wann dee Manna utem Jefengnis rutkome. Vejewe oda flichte?

Dee neachtste Utgow von Plautdietsch FRIND woat sich met dem Theema “Sexuella Missbruck unja Ooltmenniste” befote. Doatoo jefft daut eenen Berecht von eene Therapeutin, dee joahrelang unja Ooltmenniste en Paraguay jeoabeit haft.

Onse Froag es uck: Woo seeha schode soone Veakomnisse den mennischchen en plautdietschen Roop? Daut woat wada enne Medien heete: “dee” Menniste doone sowaut. Maun woat mettem Finja opp ons wiese. Woo goh wie doamett omm?

Vergeben oder fliehen? Miriam Toews und Anna Thalbach unter Mennoniten


englisch | deutsch

Sinnowend, 23. Moaz, Klock 20, Brunosaal,Klettenberggürtel 65, 50939 Köln. TICKETS

Miriam Toews, jebore 1964 enn Steinbach / Manitba, es eene vonne profiliertese kanadische Autorinne. See studied Filmwetenschaft en Journalismus en oabeid fe Prass en Radio. Met eahrem Romaun “Ein komplizierter Akt der Liebe” word see international bekaunt.

Horst Martens

Leave a Comment