Jieda Artitjel woat von 150 bit 300 Metjlieda jelest

Facebook. ©Bild von William Iven auf Pixabay

Plautdietsch-Freunde enn Facebook

Medd Moaz sed etj mie: Dee Plautdietsch Frind enn Facebook motte belewd woare. Dree bit veeja Biedrej worde sonst en eenem Moonat ve-öffentlicht. Etj froch mie: Woat sich waut veendere, wan etj vesetj, aun meist jiedren Dach waut to schriewe? Daut haft!

DEE MESCHTE LESE AUM MONDACH

151 Biedrej, 562 Kommentare enn 1.447 aundre Reaktioone vetetjend dee Statistik enn dee 80 Doag seit dem 20. Moaz. Jieda Artitjel word von 150 bit 300 Metjlieda jelest. Daut ess een goodet Ergebnis. Dee meschte lese Plautdietsch Freunde aum Mondach, dee weinichste aum Sinnowend. Onsjefea 100 Metjlieda hawe sich enn disse Tied aunjemaldt, soo daut wie nu 570 hawe. Daut kunne noch meeha senne. Vleicht tjen Jie mie halpe, en dem Jie aundre Frind ennlode?

MENNO GAUNZ VERE

Dee meschte Metjlieda kome ut Paraguay, dee tweedmeschte ut Dietschlaunt. Aun Numma dree steiht Kanada. Unjere Communities steiht Menno gaunz bowe (vleicht licht daut on onsem Veastaundsmetjlied Uwe Friesen). Fildadelfia ess dee Numma twee, Bielefeld en Detmold kome escht aun Sted 6 en 7.

BILL-GATES-ARTITJEL NUMMA EENT

Dee Artitjel, dee aum dollsten jelest en kommentied word, we dee ewa dee Baptiste-Tjoatj enn Frankfurt, dee vel Corona-Infiziede tald. Aun Numma twee stund dee Artitjel von Peter Klassen ewa Bill Gates („Ein Beispiel für Ideologie“). Aund dredda Sted stund dee Biedrag ewa daut plautdietsche Wot „Woawel“, waut mie seeha freid, wiels etj moatj, daut daut Interesse aun Plautdietsch groot ess.

JUNGE EN OOLE BIE PLAUTDIETSCH FREUNDE

Noch waut Interessauntet: 25 Prozent von onse Metjlieda send 35 bit 44 Joah oolt. Daut ess dee jratsta Block! Uck junge haw wie noch eenje: 6,1 Prozent sent 18 bist 24 Joah oolt. Meist tjeene send 13 bit 17 Joah oolt.
Bitte unjastett mie met Artitjel, dee met Plautdietsch to doone hawe. Nieet ut june Staudt, Nohrechte, Diskussioonsbiedrej, Jedichte, Bilda, Fotos, ejentlich aules!

https://www.facebook.com/groups/156370154453392/

Leave a Comment

UA-51537283-2