Tweeback, Rübelplautz, Pluschki, Vrenetje, Borscht en Bobbat – daut mennische Ete, von vel Kulture beennflusst, schmatjt ons aum basten. Oba waut hoole onse nich-mennische Nohbasch doavon? Enn Dietschlaunt vleicht moa weinich. Enn Mexiko ess daut oba gaunz aundasch, soo auls disse Jeschicht bewiest.
Doa unjastett daut sogoa dee Staut.Justina Dyck Janzen ute mennonitische Jemeend Cuauhtémoc ess von 2017 aun aul Utbildarin biem ICATECH, een mexikaunschet Institut fe Wiedabildung.
See organisiet mennische Koakkurse, om daut mennische gastronomische Oafgoot veatojewe en to bewoahre. En daut saul enn aule Regioone von Mexiko bekaunt jemoakt woare. Justina unjarecht en rund 20 Kurse em Joah en haft meeha auls 10.000 Mensche em gaunzen Bundesstaut utjebild. Bie eenem regionalen gastronomischen Wettbewerb haft see tweemol den eschten Plautz belajcht.
