Afred Neufeld: charismatischa Menniste-Theoloog jestorwe

Aum 24. Juni 2020 storf Dr. Alfred Neufeld (*1955). Hee we dee eensja charismatischa Fiehra, den dee mennonitische Welt tjand. Hee we uck wiet ewa onse Jesalschauft bekaunt, een konsequenta Intellektuella, dee nich Schis haud, Kontroverset to saje. Uck fe dee Plautdietsch FRIND haft hee jeschrewe, siene Sechtwies ewa Nestor Machno en dee Menniste mok mie kloa, daut dee vetahlde Jeschichte nich emma woah senne motte.

Noh siene Utbildinj enn Paraguay, enne Schweiz en USA word hee President vonne Protestantische Universiteet von Paraguay enn Asunción en Dekan vonne Theologische Fakulteet. Hee storf enn eene Klinik enn Münster aun eene schwoare Tumorerkrankung.
Fe dee Mennonitischen Weltkonferenz schreef Alfred Neufeld een Bok ewa dee täuferisch-mennonitische Ewazeijinje „Was wir gemeinsam glauben“ en we opp velfache Oat fe dee Weltkonferenz aktiv. Soo jehiead hee uck too dee mennonitische Delegatioon, dee em Dialog ewa dee Taufe met dem Vatikan en dem Lutherischen Weltbund stund.
Alfred Neufeld we uck een bejnodeda Social-Media-Akteur. Auleen siene Facebook-Posts, dee nich tweschen priwaut en offiziell unjascheede deede, sent aul meist een Lewenswoatj.

Leave a Comment

UA-51537283-2