Hia stal wie dee Betja vea, dee enne latzte Moonate met mennischem oda plautdietschem Bezug erschiene send.
Irene Langemann: Das Geheimnis der Töchter
„Daut Jedachtnis vonne Dajchta“ ess dee metrietende Chroonik von eene mennonitisch-dietsche Famielje, dee vesetjt, em tjrisenjescheddaden Russlaunt Wartle to schlone. Friedenauer Presse 2023.
Rudolf Duerksen: Tod bei den Grashütten
Enn sienem Bok nemmt Rudolf Duerksen den Lesa met opp eene Reise enne hoade Wertjlichtjeit vonne mennonitische Pioniere enn Paraguay. Vetahlt ute Perspektive vonne eschte Generatioon dietsch-ruscha (mennonitischa) Flichtlinje em Chaco. Books on Demand 2020.
Jolina Petersheim: Licht sucht sich seinen Weg
Nohm Doot von eahrem Maun setjt Ruth Neufeld Troost oppe Foarm von mennischet Frintschauft. Doch dan tjeppt eene dramatische Omstalinj aule eahre Tookonftsdreem om. Dee Autorin haft mennische en amische Wartle. Francke-Buch, 2023.
Felizia Wolf: Der Sohn des Deutschländers
Een Dietscha laundt bie dee Menniste em Chaco. Met Liedenschauft sat hee sich met dee Religioon en dee jesalschaftliche Moral vonne mennonitische Jesalschauft uteneen. neobooks, Amazon 2019.
Darcie Friesen Hossak: Mennonites don’t dance: Short stories
Jiedre Kortjeschicht ess enn Theemasch vepackt: Wutt, Schult en mennonitische Oabeitsmoral.
Englisch Tidewater Press 2023
Astrid von Schlachta: Täuferisches Leben in Bayern
Uck enn Bayern kunne sich mennonitische Jemeendes bilde, obzwoa see hoat vefolcht worde. Daut Bok haft eenje interessaunte Biespells. Evangelische Verlagsanstalt 2023
Mark Jantzen und John D. Thiessen: European Mennonites and the Holocaust.
„European Mennonites and the Holocaust“ nant eene bediedende Aunzohl von mennonitische Vebreatjasch en eene tjlandre Aunzohl von Mennonite, dee Jude biem Ewalewe holpe, en unjasetjt den Kontext, enn dem see haundelde.Englisch, 2022, University of Toronto.
Leonard G. Friesen: Mennonites in the Russian Empire and the Soviet Union.
Leonard G. Friesen beschrifft, opp woohne Oat dee mennonitische Mindaheit met dem Grootritj Russlaunt vebunge bleef en woo see eahre Identiteet omjestault, auls dee Bolschewiki dee Macht ewanauhme en een sowjetischet gottlooset Rejime ennsad.
Englisch, 2022, University of Toronto
Elina Penner: Migrantenmutti.
Enn Elina Penner eahrem eschten Sachbok jeiht daut om Dinje, dee nich noh Uteneensatinj utseehne: eenen Schoolranzen tjeepe, dee Tjinja tom Settebliewe bemotte, obzwoa see saut send, den Medienkonsum bejrenze. Daut woat oba von Ellere met Migratioonshinjagrund, Auleenertratjende oda Ellere ute soojenande Oabeitaschicht foaken aundasch jeseehne auls vom Bildungsbirjatum.
