Ons Plautdietsch-Joahresdach es aum Sinnowend, 7. Septamba, enn Detmold (Moritz-Rülf-Str. 5 – nich enne AHF-School). Doa doacht Klock 14 dee Metjliedavesaumlinj, Klock 16 woat daut 20-joahsche Jubiläum vonne Plautdietsch-Freunde jefieht en Klock 20 es dee Kultuaowend vonne Medienkonferenz.
Metjliedavesaumlinj
Klock 14 sent jie aula von Hoate ennjelode to onse Metjliedavesaumlinj. Onse Theemasch: 1. Bejreessinj, latztet Protokoll, Feststellung der Beschlussfähigkeit 2. Daut Joa 2018 / aktuelle Situatioon 3. Kausseberecht (Anne Wiens) 4. Berecht Kaussepriefa 5. Entlaustinj vom Veastaunt 6. Veastauntswohle 7. Kaussepriefa fe 2020 bestemme 8. Homepage, Lauftje, etc. 9. FRIND 10. Studienreis 11. Plautdietsch-Doaginj 2020 12. Veschiednet.
Jubiläums-Toopkonft
Klock 16, noh onse Metjliedavesaumlinj, well wie aula toop, uck met dee Jrindinjsmetjlieda en eehemolije Metjlieda von onsem Vereen, onsem 20joahschen Jeburtsdach aus Vereen fiere. Em Hoafst 1999 haft Peeta Wiens toop met 11 plautdietsche Mensche dissem Vereen jejrindt.
Kultuaowent
En klock 19 oppen Owent goh wie aula toop nohm Kultua-Owent vonne plautdietsche Medienkonferenz. Disse Konferenz woat vom 3. bit 7. Septamba enn Detmold stautfinje en wie lode Junt doatoo von Hoate enn. Wie habe dee Jeleajenheit, Plautdietsche ut aule Welt tjane to lehre. Ver twee Joah enn Mexiko were 80 Deelnehmasch ut 8 Lenda doabie.
Woo: Detmold, Moritz-Rülf-Str. 5
