Enne niee Utgow: 20 Joah Plautdietsch-Freunde
Aum 14. Novamba doagde enn Oerlinghausen (bie Bielefeld) mehrere Frues en Manna. Ut dee Sitzung entstund dee Vereen „Plautdietsch-Freunde“. Daut es boold 20 Joah tridj. Aun daut Jubiläum erinnat dee Utgow 39, dee enne neachste Doag erschient.
Peter Wiens, dee Initiator vonne Vereens-Jrindung, schrifft doarew eenen Artitjel. Oppe Joahresvesaumlinj aum Sinnowend, 7. Septamba, woa wie uck doaraun dentje.
Haupttheema: Sexuella Messbruck
Daut es eene Sach tom Freie. Oba dee FRIND-Utgow wandt sich uck eenem trurjen Theema too: Daut es dee sexuella Messbruck unja Menniste. Miriam Töws haft ewa eenen schratjlichen Veafaul enn Bolivien eenen Romaun jeschrewe. Em Interview vetallt see, woaromm see daut Theema utjewehlt haft. Butadem haw wie eenen Berecht ut Paraguay, dee besteticht, daut besondasch konservative Menniste groote Probleeme opp sexuellem Jebiet hawe.
Daut Jeejenstetj to disse Menniste ess Marcela Enns ut Mexiko, dee sich em Blog „Dietsche Mejal“ nannt und gaunz aundasch es auls wie ons sonst mennischche Frues utem Milieu vonne Oolt-Menniste vestalle.
Oba soo aus emma es dee Utgow seeha bunt jeworde, waut disse Theemasch bestetje:
+ Dee Dietsche Mejal – Marcela Enns ut Mexiko ess dee erfolchritjste en professionellste plautdietsche Bloggerin
Wie setje waut plaut ess – enne Soziale Medien
+ Nu rede dee Mumtjes – Miriam Toews em Interview met Plautdietsch Frind
+ Daut passiead emma hinje em Staul – Sexuella Messbruck unja dee (Oolt-)Mennonite enn Paraguay
+ „Daut ess aune Tiet, nich meeha stell to senne“ – Johannes Töws well aus plautdietscha Tjenstla Tetjens sate
+ Waldy Hoffmann alias Edmaun Hoada – Theauta-Autor utem Chaco schrift selfst Stetja
+ Plautdietsche Medienkonferenz – een buntet Kultua-Forum. Dittmol enn Detmold / Journalismus spelt tjeene Roll
+ Dee Djiwan roopt – Meea ooda weinja: 20 Joah Plautdietsch-Freunde e.V.
+ Literatua: Arbuse jestohle / Dee oole Tiet … / Bie Ma oppem Oarm
+ Mennischa Humor – Wie lache ons dee Lunze voll
+ Von Jack Thiessen sien Wedabok jefft daut dee feffte Opploag – Nie: Tweeda Deel met Hochdietsch – Plautdietsch
+ Benni sprenjt daut Systeem – Interview met Nora Fingscheidt