Palmeira lat Plautdietsch auls Kultua-Oaw registriere

Heimatmuseum enne Kolonie Witmarsum. Foto: Wikipedia SamirNosteb

Plautdietsch ess em Tjries Palmeira enn Brasilien tom Kultua-Oaw ertjleat worde. To Palmeira jehiet dee mennonitische Kolonie Witmarsum (Nich to vewatjsle met dee Staudt Witmarsum.)

Dee Siedlung word 1951 dicht bie Curitiba jejrindt. Enjeschrewe word Plautdietsch em “libro de tombo”, eenem Rejista fe kulturellet Goot.

“Dee Sproak ess een wichtja Bestaunddeel von onse Regioon. Wie welle aules doafea doone, om onse Heakonft uck fe tookonftje Generatioone to erhoole”, sed Ricardo Phillipsen, dee Direktor vom Heimatmuseum Witmarsum.

Uck Kulturstaatsminister Waldir Joanassi betoond, woo wichtich daut ess, daut Plautdietsch to schutze. Birjameista Edir Havrechaki betoond, daut daut Projatjt tom Schutz, to Vebreedung en to Förderung von Plautdietsch auls Originalsproak vonne Kolonies -Birja biedroacht.
Tjwall: arede

Leave a Comment