Plautdietsch fe Schooltjinja

Plautdietsch enne School lehre - daut wudd goot senne.

Enn Sibirje jefft daut Tjinjagoades, enn den Plautdietsch jeredt woat. Enne School fangt dee Framdsproake-Unjarecht enne tweede Klauss aun, vele Menniste-Tjinja wehle (Hoch)Dietsch. Nu habe eenije Lehra beschlote, daut eschte Joah nich onjenutzt to lote en aul mol Plautdietsch enne eschte Klauss to unjarechte.

Doafea bruckt eena Materiol fe den Unjarecht. En soo haft Katja Liebert ut Nowosibirsk een Leseheft fe Schooltjinja toopjestalt. Wiels daut soo goot jeworde ess, ha wie daut enn Dietschlaunt nohdretje lote en jie tjene daut hiea bestale, doamet june Tjinja/Groottjinja/Jeschwista uck Plautdietsch lehre tjene: http://tweeback.com/katalog/muttasproak


Leave a Comment