Aules foadich, nu tjene dee Kunde kome: Soo ess daut Bild bowe to diede. Oppe Frankfurta Bokmesse vom 20. bit 24. Oktooba ess uck dee Tweeback-Verlag vetrede. Oppem Foto sitt maun Velaja Heinrich Siemens met siene Dochta Hannah – eeha daut loosjeiht.
Siemens stalt opp sienen Staund Betja vea, dee sich aula em plautdietschen Kultuatjries beweaje. Wiels Kanada dittmol dee Ehrengaust ess, stohne bie Tweeback ver aulem dee Betja em Meddelpunkt, dee sich met dee Plautdietsche en dem nodamerikaunschen Launt beschaftje.
Daut jeiht aun eschta Lienie om dree nie velajchte Betja, eent von eenem Nielintj (weens enn Dietschlaunt), Hans Werner, twee von Rudy Wiebe.
Hans Werner: Mythos und Erinnerung.
Dee Pa von Hans Werner, mennischa Ennwaundera em siedlichen Manitoba, kunn seeha goot ewa siene Tiet enn Russlaunt Jeschichte vetale en Resse riete. Sien Sehn Hans Werner vejlitjt dee oole Jeschichte met dee Wertjlichtjeit en moatjt, daut nich aules ewareen stemmt.
Twee Betja von onsem plautdietschen Rudy Wiebe:
Rudy Wiebe: Land jenseits der Stimmen
John Franklin bretjt met siene Maunschaft noh Kanada opp, om dee legendäre Nordwastpassage to setje. Dee Mana ut Englaunt en dee Yellowknife-Indja kome sich enn eahrem Wintaloag dichta, auls et moonatelang diesta ess.
Rudy Wiebe: komm zurück
Hal Wiens vesetjt to vestohne, waut sienen Sehn bewoage haft, friewellich utem Lewe to scheide.
