Elina Penner nohm Pries entjeajen

Elina Penner nauhm jistre en eene tjliene Zeremonie enn Detmold den Arnold-Dyck-Pries entjeajen, den eah dee Plautdietsch-Freunde tooertjant haude. Dee Pries-Trophäe, von Vereins-Veasetta Heinrich Siemens ewajeft, besteiht ut eene tjliene seeha kunstvolle Holtskulptua von Jakob Peters en Form von eenem Bok, en dem Koop en Bua, dee beid Hauptfigure von Arnold Dyck, enngraviet send. Jewonne haft Penner uck eene Bokve-öffentlichung biem Tweeback-Verlag.

Bie eenem Internetvoting met fief Kandidatinnen tjrejch dee Autorin, dee dicht bie Minden met eenem Maun en twee Tjinja left, dee wietut meschte Stemme. Dee Ostwestfalin meit plautdietschem Hinjagrund ess Bloggerin, Natwoatjarin en Autorin, em Farjoah saul eah eschta Romaun met dem Titel „Nachtbeeren“ em renommieden Aufbau-Verlag erschiene. Dee meschte Figure en dem Woatj send Plautdietsche.

Tjitj uck: Elina Penner gewinnt den Arnold-Dyck-Preis (plautdietsch-freunde.de / Wer ist Arnold Dyck? (plautdietsch-freunde.de)

Meeha demneachst enn eenem Video en enne Druck-Utgow vonne Plautdietsch-Frind.

Leave a Comment

UA-51537283-2