Elisabeth Epp haft daut Bok „Das Mädchen, das niemals spielen durfte“ opp Plautdietsch en opp Hochdietsch jeschrewe. Nu es Elisabeth Epp Meddwetj, 21. Febawoa, om haulf acht (19:30) enne Sendung „Hallo Niedersachsen“ em NDR Fernsehen to seehne en to hiere.
Daut Bok es em Tweeback-Verlag erschiene. Dee Autorin beschrifft dee Tjindheit vom behindaden Meatje Marie enn Sibirien. Dee Grund fere Sendung es dee internationala Dach fere Muttasproak.
Elisabeth Epp es en eenem plautdietschen Darp em Jebiet Omsk jebore. See lewd bet eahrem 38. Lewensjoah enn Russlaunt, studied enn Omsk aune pädagogische Hochschool en oabeit bet to eahre Utreis noh Dietschlaunt auls Lehrarin. Enn Dietschlaunt leet see eah Lehradiplom aunertjanne en oabeit nu auls Lehrarin enn Niedersachsen.