Mett Tina Wedel en Detmold – enn nich en Kruft
De russlaunddietsche Entertainerin Tina Wedel jefft eene niee Utgow von „Zu Gast bei Tina Wedel“ rut. Wea ob nu jleeft, he mott so aus emma no Kruft foare, dee mott sien Navi schwind ommstahle. Tina Wedel loodt fe Sinnowend, 27. Aprell, Klock 14 noh Detmold en. Von Klock 13 aun send dee Deere op.
Ea Programm präsentied se en eenem Rohme, de aul seea plautdietsch enjefoaft es: De Halle vonne August-Hermann-Francke-Schol enne Georgstraße 24. Op eare Enloadinjskoat haft Wedel vel plautdietschet Kultuagood stohne: Ella Deppe, Mitj Neufeld, Nikolaj Sudakow, Rainer Lessig, Katharina Tjart, Max Hermann en vel aundere Ewarauschungsjast.
Zu Gast bei Tina Wedel
- Sinnowend, 27. Aprell, Klock 14,
- Georgstraße 24, Halle AHF-Schule
- Eene Koat kost 10 Euro (Koate bestalle: Tel. 0228 / 2 89 17 91)