Menniste Poker

Kartenspiel

Daut Rookspell woat vonne Firma „Hasbro“ aunjebode.

Rook ess daut beleewdeste Koatespell vonne Menniste enn Nod- en Südamerika. Dee Südamerikauna wisste lang nich, woo daut Spell heakaum, manche dochte, daut heet Ruck. Oba nu weet wie Wikipedia sie Dank Bescheid: Rook-Koate worde von Parker Brothers em Joah 1906 enne USA en Kanada ennjefieht, omm eene Alternative to Standard-Koate auntobeede. Dee Koate mett Bilda (Daum, Jung, Könich, As) jelde enne mennische Tradition aus sündich en vom Diewel beennflusst – soo aus Jletjsspell enn Koatelaje.

Daut Rook-Deck besteit ut 57 Koate: eene Koat mettem schwoaten Voagel (dee Rook), daut ess dee Joker, enn 56 Koate, oppjedeelt opp veea Foawe: schwoat, rot, jel en jreen. Dee Koate send nummeriet von eent bet vietien. Vondoag waut daut Spell von „Hasbro“ aunjebode.

En Dietschlaunt jefft daut sogoa eenen Rook-Kultu-Klub, dee jiedet Joa den Dietschen Rook Meista utspeelt. Vel meea Informatione jefft daut enne Somma-Utgow von Plautdietsch-Frind.

 

Leave a Comment

UA-51537283-2