Eenje Jedanke ewa Plautdietsch haft sich Tatjana Klassner enne niee Utgow von „Plautdietsch Frind“ jemoakt. Uck aundre Plautdietsch-Bejeistade lat see to Wot kome. Tatjana behaupt, Plautdietsch haft eenen ritjen Wotschatz. Soo haft see 58 Synonyme fe daut Wot „priejle“ jesaumelt.
Utschnet von dem Tatjst von Tatjana Klassner
Nehm wie mol daut Wot priejle. Daut jeiht veschieden to saje: daut Lada striemje, daut Lada stretje, veheiwe, veflaume, schlone, kloppe, vedrasche, ennhenje, ennschape, veseble, schmeare, vesohle, verese, verebausele, veknacke, utaste, vetusele, eent plintze, too Schnuwtje riewe, vejoppe, vedonnre, veschwehle, schwaupse, ennfäjere, veknofe, vedduje, vesomme, vejamse, woat dee Stock daunze, knaule, poa blitze, vetjiele, enneele (einölen), vesomme, dem Hinjarenj stretje, ennschmattere, Kopp veneede, bomse, vedewere, vedeiwle, vediewle, vewaumse, derchwitjse, ennwattere, ennhenje, drusche, hosche, daut Lada opptritze, daut Lada ennsolte, opptotre (von
Tota), schmeare, waut veeakauntich woascht gohne, veladere, dee Reeme hielt opp die, die jeatjt aul daut Hinjarenj, dee Stock bangt sich aul noh die. – Wea sajcht noh ditt, daut onse Sproak oam ess?
Tatjana Klassner
Miene Aunmoatjung doatoo: 58 Weda fe vekloppe – en daut, woo doch dee Menniste Pazifiste sent en opp Jewault vezichte. Oda vleicht kratjt desweajens? Waut meen jie?
Noch vel meeha to dissem Theema jefft daut enne aktuelle „Plautdietsch FRIND“ Nr. 48, Somma 2048. Wan jie dee Tiedschreft hawe welle, dan maldt junt bie Anne Wiens-Janzen unja info@plautdietsch-freunde.de oda unja Telefon 05231 – 70 19 204.
[…] „Isaak brocht mie daut derch siene Redensoat bie, daut, wan eena Wota jeete wull, woo veschieden daut opp Plautdietsch to doone jintj. Daut kunn eena jeete, plenjre, poasche, plaudre, schulpse, speele en tjwiddre. En wan eena seeha opp paust, jintj daut uck to tjietre, to siepre, to latjre en to drepple. En jieda Utdrock pausst soo scheen doabie, daut mie daut eenfach wichtich word, woo scheen daut opp Plautdietsch to saje jintj.“ (Tjitj uck: 58 Synonyme fe daut Wot „priejle“ – Plautdietsch-Freunde e. V.). […]