Erfolchritje plautdietsche Medienmenschen

Dee Plautdietsche Mejale Elena Penner en Pauline Klippenstein, Irina Unruh en Orlando Braun. © Genri Schenk Photography, Irina Unruh en Orlaundo Braun.

… enne neachste Plautdietsch FRIND, dee enn een poa Doag rutjemmt

Dee Medienwelt woat emma wichtja enn onsem Lewe. Entspreatjend sent uck vel Plautdietsche enn disse Branche aktiv. Jiede moderne Mennonitekolonie haft vondoag eah Kommunikatioonsbieroo. Manche von onse Mensche hawe uck Erfolch enne Medien. Enne Utgow 48 vonne Plautdietsch FRIND woare veeha interessaunte Persoolichtjeite ute Medienwelt veajestalt.

Dieser Beitrag auf Hochdeutsch in www.menno-welt.net

Bestale em FRIND-Kontooa

Dee Tietschreft tjemmt enne neachste Doag ruta en woat dan aun aule Abonennte vescheatjt. Wie woare ons dan opp disse Sied malde. Wea daut Heft hawe well en nich Metjlied vonne Plautdietsch-Freunde ess, dee tolt 9 Euro fe dee Utgow. Bestale kauna daut bie Anne Wiens-Janzen unja info@plautdietsch-freunde.de oda unja Telefon 05231 – 70 19 204.

Elena en Pauline, dee Plautdietsche Mejale

To-escht stal wie Elena Penner en Pauline Klippenstein vea, dee Plautdietsche Mejale (www.instagram.com/plautdietschemejale/). Opp Instagram hawe ewa 17.000 Nohfolja, aulso Follower. Dee twee Mejale poste nich opp Plautdietsch, oba ewa plautdietsche Theemasch. Man kaun dee jetroost noh dee nie-moodsche Betetjnung Influencerinne nane.

Irina Unruh, Dokumentarfotografin

Irina Unruh (www.irinaunruh.com) ess eene Dokumentarfotografin, dee daut met eahre Bilda aul bett enne Geo oda National Geographic jebrocht haft. Aktuell haft see eene Utstalinj met plautdietsch-mennischem Hinjagrunt. See haft dee Mensche en Launtschaufte ut eahre Tjindheit enn Kirgistan aufjelicht.

Orlando Braun, Filmproduzent

Orlando Braun (www.prairieboyproductions.com) ess een junga Filmproduzent, dee sienen Beruf von Aunfang aun jeleht haft. Hee kaum aus tjliena Jung von Loma Plata, Paraguay, noh Kanada. Auls Filmproduzent es hee fee dee Derchfiehrung von Aunfag bit Enj, aulso bit dee Film voadich ess, toostendich. Unja aunderem haft hee uck ewa Plautdietschet jedreiht: den Kortfilm „That mennonite Joke“ en dee Serie „Maria and the Mennos“.

Noch meeha Theemasch enne FRIND

Noch vel meeha Theemasch jefft daut enne „Plautdietsch FRIND“. Wan jie dee Tiedschreft hawe welle, dan maldt junt bie Anne Wiens-Janzen unja info@plautdietsch-freunde.de oda unja Telefon 05231 – 70 19 204.

Leave a Comment

UA-51537283-2