Enn latzta Tie tjemmt daut foaken vea, daut mennonitische Koloniste met dee Natuaschutzjesatz enn Konflikt kome. Daut we enn Bolivien dee Faul, enn Kolumbien en nu uck enn Peru. Woaromm ess daut soo? Ess dee Menniste dee Natuaschutz schiet endoont? Welle see nich Gottes Schöpfung bewoahre, sonda sich leewa „dee Ed unjadon moake“ soo ess daut enne Bibel uck heet?
Biespell Peru
Daut aktuellste Biespell betraft Peru. Doa besiedle Menniste een Stetj Launt em Department Ucayali, em Amazonas-Jebiet. Dee Stautsaunwalt vom Umweltmuseum en dee indigene Vereinigunge saje, dee Vekoop vonne Lendariee ess derch illegalen Launthaundel meajlich jeworde. Hochrangige Beaumte send doarenn vestritjt, jeajen dee nu ermeddelt woat. Disse Korruptioon fied doatoo, daut ewa 1.000 Hekta Uawoold aufjeholt worde.
Biespell Kolumbien
2017 siedelde sich Mennonite em Departament Meta enn Kolumbien aun. Vondoag woat ahn veajeschmete, daut see vel Hektasch aun Reajenwoold en Natuareservate utjeroot hawe. Eene Indja-Jemeenschauft schmitt dee Menniste vea, daut see Launt besat hawe, daut dee Inja verhea jehied.
Biespell Bolivien
Dee Satellite-Plautform Global Forest Watch haft seeha vel Vesteetunge en eenem Natuaschutzjebiet siedlich vonne Lagune Concepción bie Santa Cruz, Bolivien, faustjestalt. De Veauntwotliche fe dem Velost von Welda sele uck hia mennische Siedla senne.
Onendlicha Launthunga?
Dee Launthunga von konservative en uck aundre Menniste ess Legende. Eene Familje met tien Tjinja bruckt vel Hektasch. En dens eahre Tjina en Tjindestjina noch vel meeha. Wan finjt daut een Enj?
Enne groote Öffentlichtjeit ess daut mennische Omweltprobleem nich soo bekaunt. Dee Berechte, dee dissem Artitjel togrund lidje, staume aula von tlandere Medien. Oba daut kaun sich endere.
Twalle: Enn Google opp Spanisch dee Weda „Deforestación“ en „menonitas“ ennjewe.
Horst Martens