Peter K. Reimer, mennischa Staumboomforscha, jestorwe

Steinbach, Manitoba (Kanada) – Peter K. Reimer, een seeha bekaunda Jeschichtsexperte, dee sich ver aulem fe dee Staumboomforschung em mennischen Voltj ennsat, ess aum 29. Moaz gaunz onvehoffs em Krankenhus enn Steinbach aun eenem Hoatinfarkt jestorwe. Reimer word 79 Joah oolt.  

Vom Laustwoagefoahra tom Grandma-Experten

Enn siene jinjere Joahre foh Reimer lang fe Reimer Express Laustwoages en dan uck fe Greyhound Bus. Frindschauft en Bekaunde haud hee enn vel Lenda (Kanada, Mexiko, Belize en aundre meeha). Bekaunt word hee enne latzte Joahtiende oba ver aulem derch siene Oabeit met dem Program „Grandma“. Doa kaun maun dee ejne Familjejeschicht erforsche.

Topfit em “mennischen Spell”

Interessied maun sich fe dee ejne Familjejeschicht, dan haud maun enn Reimer seeha schwind eenen Frind. Oba uck aundasch we hee bekaunt doafea, daut hee „emma frindlich, oppnehmend en ennlodend we“. Meist tjeena tjand daut „mennische Spell“ (woo maun den ejnen Familjestaumboom erforscht) soo goot auls Reimer. Hee wusst jenau, met wem hee aula Frindschauft we, en daut foaken bit tom 4. oda 5. Grod. To dissem Theema haft hee woll uck hundade, wan nich dusende E-Mails, Telefonnaunroop en perseunliche Jespreche von Framde beauntwot. Hee holp emma jern.

Halp fe Mensche, dee noh eahre Veafohre forschde

Wie vonne „Mennonitische Post“ hawe een grootet Schoof Mensche noh Peter K. Reimer jewese, wan jemaund siene ejne Familjejeschicht beta tjane lehre wull. Hee naum sich uck Tied, om aundre to wiese, woo maun met dem GRANDMA-Program oabeit, om sein ejnet Frindschauft beta tjane to lehre. Hee we nich moa goot met dee Nomes vonne Veafoahre, oba hee wusst uck vel Jeschichte ewa dee Familjes oda eenzelne Persoone. Een grootet Schoof Stunde vebrocht hee doamet, daut hee aundere Mensche, foaken gaunz Framde, ewa eahre ejne Veafoahre belehd,

Informatioone ewa GRANDMA em Museum

Uck biem Mennoniten-Museum enn Steinbach vebrocht hee vel Tiet en wees Bekaunde en Framde, woo maun sich em GRANDMA-Programm trajchtfinjt. Nu haft Reimer dee Jelejenheit, vele von siene Veafoahre, von den hee soo vel vetald, perseunlich em Himmel to bejejne.

Kennert Giesbrecht, Chefredakteur Die Mennonitische Post

1

Hey, like this post? Why not share it with a buddy?

Leave a Comment

UA-51537283-2