Dee niee Utgow vonne Plautdietsch FRIND erschient enne neachste eent bit twee Weatj. Wan dee Tietschreft rut ess, infomie wie junt.
Dee Hauptdeel beschafticht sich mett dee Jesenninj vom Plautdietsch-Autor Arnold Dyck. Dee Historika Goossen hat – eeha bieleifich – behaupt, daut Dyck een Faschist we. Disse Behauptung haft ons Vereens-Veasetta en Plautdietsch-Experte Heinrich Siemens hinjafroacht. Hee haft vel Unjaloage studiet en tjemmt to eene gaunz aundre Oppfotung. Uck dee Plautdietsch-Pop Jack Thiessen sajcht doatoo siene Meenung.
Ditt mol haw wie uck Artitjel ewa Plautdietsche enn Russlaunt en woo see doa eahre Muttasproak pfleaje. Tatjana Klassner haft waut Besonderet entdatjt: Plautdietsche Mensche, dee nich enne mennische, oba enne kathoolische Kultua oppjewosse send. Daut jefft eenen Block ewa Paraguay (Lepramissionoare Schmette / een Indigena schrift een Bok ewa siene Kultua) en eenen Artitjel ewa Steinbach en Kanada. Butadem fe wie den 90. Jeburtsdach von Jack Thiessen. Opp dem Bild unje tjen jie jenau seene, waut em Heft steiht.
Dee Plautdietsch FRIND woat komplett ehrenaumtlich jemoakt. Met dem Pries von 9 Euro pro Exeamplar woare dee Onkoste moa seeha knaup jedatjt. Jie tjene oba uck Metjlied woare (Mitglied werden | Plautdietsch-Freunde e. V.), dan tjriej Jie twee Utgowe em Joah omsonst. Daut Wichtichste ess: WELL JIE PLAUTDIETSCH UNJASTETTE? Daut tjen Jie bie ons. Well Jie een Heft bestale oda een Abo aufschlute, dan maldt junt bie Anne Wiens-Janzen, info@plautdietsch-freunde.de. Oda unja horst.martens@t-online.de.
