Dee neachste Utgow vonne Plautdietsch FRIND tjemmt enne neachste Doag pintjlich to Wiehnachte rut. Dee Titeljeschicht beschrifft dee 3. Plautdietsche Medienkonferenz enn Mexiko. Oba sonst sent wie uck wertjlich wiehnachtlich.
Wie drucke eenen langen Berecht met dem Titel „Eschte Wiehnachte enn Kanada“ auf. Jeschrewe haft dee Jeschicht – dee ewa dee Pionietied enn Kanada haundelt, aulso omm 1870 romm – dee kanodscha Autor Gerhard Ens. Seeja interessaunt, woo dee Menniste enne eahre Semlin sette en oppem Wiehnachtsmaun wachte. Tatjana Klassner haft uck noch aundre Jeschichte jesaummelt, dee wie ut Plautzmangel nich aufdrucke kunne. Dee eene en aundre woaw wie uck em Internet veöffentliche.
Wea tjeene Tiedschref aboniet haft, kaunn sich eene unja disse Adrass bestalle: info@plautdietsch-freunde.de
Dee Tiedschreft enthelt noch vele aundre Artitjel – vele hawe mett Reise to doone. Noh Brasilien, Israel, Belize enn so wieda. Hia mol eene Ewasecht:
Daut ess een Jewe en Nehme – 3. Plautdietsche Medienkonferenz enn Mexiko / Uwe Friesen
Mexiko opp Plaut – Een Launt met 60 mennonitische Koloniee en 100.000 Plautdietsche / Uwe Friesen
„Konst bediet, frie dentje” – Interview met dem Tjinstla Bennie Peters / Heinrich Siemens
„Wie send fe aules op” – Osvaldo Schapansky, Medienkonferenz-Organisator / Heinrich Siemens
546.000 Wed opp Hoch- en Plautdietsch – Adi Stöckl ewa plautdietsche Schriewwies en Wedabetja
Russlauntdietsche Migratioon Vel Kulture beennflusste daut Lewe enne Community
Fred em Hoat – Aundacht / David Priss
Heilje Schreft opp Plautdietsch – Johann Friesen oabeit aus Bibel-Ewasata / Horst Martens
Miene Nacht met Irma – Auls mie em Urlaub opp Kuba een Hurrikan ewarauschd / Anne Wiens
Dee eschte Wiehnachte enn Kanada – Aunsiedlatied enne 1870-ja Joahre aum Red River / Gerhard Ens
Eene Weltreis enn acht Doag – Besuch enn Israel / Katarina Jabs
Brasilien, eene plautdietsche Heimat – Studienreis von Radio Seajenswal noh Siedamerika / Elisabeth Wiebe
Anna eahre Koaksied – Usbekische Plow / Anne Wiens
Autore stalle eahre Betja vea – Plautdietschet Schriewaseminoa / Agnes Gossen
Miene eschte Schred – Jedicht / Heinrich Martens
Mett eenem „Tereré” derchem Dach – Schiela ut Detmold besochte Loma Plata / Uwe Friesen
Een Breef aun Anastasja Zwetajewa en woorom daut Schriewe mie berehd / Tina Wedel
Onse Jeschicht em Romaun – Ulrike Renk haft Jeschichte ewa Krefelda Mennonite jeschrewe / Horst Martens
Onse Welt – Niea Veastaund / Reis noh Belize
Lauftje – Betja, CDs en aundre Medien