Plautdietsch-Freunde e. V.

Tina Wedel veaunstauld eenen Plautdietschen Nohmeddach enn Detmold. Enne Aula vonne August-Herrmann-Francke School horchte een poa Hundat Mensche, waut se to beede haud. Moderiet woard daut Programm von Ella Deppe. Aus Tjinstla traude unja aundrem opp: Mitj Neufeld, Nikolaj Sudakow, Rainer Lessig. Fe Tina Wedel wie disse Veaunstaltung aus Werbung to vestohne: Aum Sinnowend, 26. Oktoba, organisiet de Sänjarin earen 10. Plautdietschen Nohmeddach - een Jubiläum, daut dann wada en earem Ursprungsoot stautfinjt.

Tina Wedel sinjt "Krauntjes".

Daut niee Bok von Gerhard Ratzlaff.

En Paraguay were Wohle. Aune Wohlkampanje send uck veschiedne Menniste bedeelicht.

Arnoldo Wiens, een Fernseh-Moderator mett mennischem Hinjagrund, wull sogoa auls Präsident kandidiere. Aussa nich jenoch Stemme tjrech, beschlot hee, eenen aundren Kandidote to unjastette. Daut Ewarauschende: Nodehm dee Menniste sich emma seha vonne Politik tridjhilde, hawe see nu schienboa tjeene Bedentje. Dee Autor Gerhard Ratzlaff haft paussend een Bok doato jeschrewe: "Der umstrittene  Weg der Mennoniten in die politische Verantwortung: Das Beispiel Paraguay". En dem Bok schrift he nich moa ewa Paraguay, sonda uck ewa de Position vonne Menniste en eare 500-joasche Jeschicht. Wie welle enne nächste Frind, dee em August erschient, doarewe meea diskutiere.

Mehja Informatione: gerhardratzlaff@gmail.com

Ratzlaff sacht: "Daut Bok well aunreje, politische Erziehung enntofiere, omm dee Jefoahre to wiese en oppe aundre Sied dee ethische Prinzipie to liere, dee enne Polititj tom Tratje kohme."

Katharina Fast

• Sonntag, 28. April
• 16-18 Uhr
• Wesselyring 51, 22297 Hamburg

Mett Tina Wedel en Detmold - enn nich en Kruft

De russlaunddietsche Entertainerin Tina Wedel jefft eene niee Utgow von "Zu Gast bei Tina Wedel" rut. Wea ob nu jleeft, he mott so aus emma no Kruft foare, dee mott sien Navi schwind ommstahle. Tina Wedel loodt fe  Sinnowend, 27. Aprell, Klock 14 noh Detmold en. Von Klock 13 aun send dee Deere op.